La Casa de las Lenguas

Asitiada nel Campus d'Humanidaes y entendida como una estructura tresversal ente facultaes y escueles, La Casa de les Llingües respuende a una amplia demanda social en cuestiones venceyaes col deprendizax d'otres llingües, ufierta servicios de torna, amás de conseyu llingüísticu y cursos especializaos d'idiomes pa instituciones y empreses.

Ente los diferentes cursos y xeres feches destaquen:

  • Cursos d'español pa estranxeros: Llingua y cultura españoles, cursos intensivos p'alumnos d'intercambiu, organización de xeres culturales, etc.
  • Cursos xenerales de llingües: alemán, árabe, chinu, francés, inglés, italianu, xaponés, llingua de signos española, portugués, rusu, polacu y asturianu.
  • Actividaes llingüístiques de pautos internacionales: pruebes d'idioma Erasmus, programa tándem, pruebes oficiales d'alemán Goethe, italianu PLIDA, francés DELF-DALF y pruebes oficiales d'inglés IELTS.
  • Cursos intensivos de llingües pal personal docente ya investigador, personal d'alministración y servicios ya instituciones esternes.
  • Servicios de torna y de conseyu llingüísticu.

Na so sede principal dispón d'un Club de les Llingües que val de centru d'aconceyamientu pal alumnáu, sala de llectura de prensa nacional y estranxero y de llocal pa sesiones de cine, cursos per ordenador, charles y talleres.

Corréu electrónicu:
clenguas@uniovi.es
Señes:
Campus de El Milán, C/ Teniente Alfonso Martínez, Oviedo, 33011
Teléfonu:
+34 985 10 96 64, + 34 985 10 96 66
Fax:
+34 985 10 96 65
Web:
http://lacasadelaslenguas.uniovi.es/