Creación d’empreses

L'afalamientu de la cultura entamadora ye una de les llinies d'actuación de la estaya d'empleabilidaá de la Universidá d'Uviéu. La institución académica fai estremaes xeres empobinaes a estudiantes, titulaos de recién ya investigadores pa informar y aconseyar sobro la creación d'empreses y l'autoemplegu.

Col envís d'afalar les iniciatives de negocios desendolcaes por universitarios mozos, la Universidá d'Uviéu entama cursos de branu d'ellaboración de planes de negociu, visites a empreses, alderiques con entamadores, el concursu d'idees empresariales o l'"espaciu entamador" nel Foru d'Emplegu de la Universidá d'Uviéu, ente otres xeres.

D'igual mou, xestiona l'aplicación informática Padrín del Entamador, que pon en contautu a universitarios con idees empresariales con empresarios mozos que quieran ayudalos. La filosofía de l'aplicación ye iguar una comunidá d'entamadores y potenciales emprendedores que, actuando con llibertá dafechu, configuren una comunidá virtual de demandantes y ufiertadores d'ayuda. Pela parte de so, les xeres empobinaes a la creación de spin offs y a investigadores desendólcales el Vicerrectoráu d'Investigación y Campus d'Escelencia Internacional.