Serviciu d’Investigación

El Serviciu d’Investigación lleva alantre la xestión dafechu de la investigación de la Universidá d’Uviéu. Fai funciones d’información, espardimientu, xestión, siguimientu y xustificación de les estremaes aiciones que la Universidá d’Uviéu fai pal llabor de la función investigadora y fai d’enllaz ente los estremaos organismos y entidaes financiadores y los investigadores.

El Serviciu d'Investigación encárgase d'atopar y esparder ente la comunidá universitaria y científica les convocatories de beques, ayudes, contratos y proyeutos d'investigación espublizaos nos Boletinos Oficiales de la comunidá, nos estatales y nos estranxeros, lo mesmo que los ufiertaos por organismos, fundaciones, empreses, de calter públicu o priváu. Tamién fai xeres de conseyu rellatives a la preparación de contratos y convenios d'investigación y pa la presentación de los pidimientos y los plazos de les convocatories públiques.

Asina mesmo lleva alantre la xestión económica de la investigación, la xestión de contratos al personal investigador y de contratos de compra d'equipamientos, tramitando los pagos de tolos gastos fechos nos proyeutos y ayudes d'investigación de les convocatories estatales, de la comunidá, europees ya internacionales, al empar que los contratos, sovenciones y otres ayudes públiques y privaes. Tamién prepara la xustificación de los mesmos énte los organismos enantes mentaos.

Pa facer la xestión dafechu de la investigación, la Universidá d'Uviéu cunta con una preséu informáticu propiu, denomáu Portal del Investigador.