Producción científica

El Repositoriu institucional de la Universidá d'Uviéu tien como finxu dexar l'accesu llibre a la producción científica, al empar que garantizar el caltenimientu d'estos archivos dixitales, enanchando la visibilidá de los conteníos xeneraos polos miembros de la institución. La Biblioteca de la Universidá d'Uviéu ye la encargada de la xestión del repositoriu dixital de la Universidá d'Uviéu y de la so actualización. Esti fondu electrónicu ta organizáu en delles comunidaes y coleiciones pa que l'usuariu atope de mou rápidu ya intuitivu la documentación que gueta.

El repositoriu dixital dexa dar una mayor visibilidá a la investigación desendolcada na Universidá y ye un apueste afitáu por una xestión más eficaz y caltenible

El Repositoriu de la Universidá d'Uviéu inclúi fondos vieyos de la Biblioteca de la Universidá, documentación sobro la historia de la institución y gran parte de la producción científica xenerada polos nuesos investigadores (tesis doctorales, investigaciones de proyeutos europeos, documentos OpenAire, trabayos de fin de máster, memories d'investigación, etc.). Arriendes d'ello, inclúi toles publicaciones asoleyaes pola Universidá d'Uviéu.

El serviciu dexa a los usuarios interesaos rexistrase y recibir actualizaciones periódiques pel corréu electrónicu. El fondu documental pergrande del repositoriu ufierta una mayor visibilidá a la investigación desendolcada na Universidá y ye un apueste afitáu por una xestión más eficaz y caltenible na institución.