Producción científica

La producción científica de la Universidá d'Uviéu acreíta la escelencia y la calidá reconocida internacionalmente. La institución académica trabaya pa esparder y facer accesible a la sociedá'l so trabayu d'investigación y tamién pa dar a los resultaos algamaos la proteición llegal amañosa.

El volume de producción científica de la Universidá foi enanchándose añu tres añu. El Portal de Producción Científica axunta en tiempu real la xera investigadora del añu en cursu, dende l'entamu del mesmu hasta la fecha de consulta. Per aciu d'esta aplicación la tradicional memoria d'investigación conviértese nuna aplicación web, accesible en tou momentu pa la so consulta y actualización continuada.

La institución académica trabaya pa esparder a la so producción científica y pa dar a los resultaos algamaos la precisa proteición llegal

L'espardimientu y visibilidá de la xera investigadora queda garantizada pente medies del Repositoriu dixital xestionáu pola Biblioteca de la Universidá d'Uviéu, les aiciones llevaes alantre dende la Oficina de Comunicación y tamién pel espardimientu que vien faciendo la Unidá de Cultura Científica de la OTRI.

La conveniente proteición llegal de los resultaos d'investigación ye otra de les prioridaes de la Universidá. L'equipu de la OTRI da conseyu integral a los nuesos investigadores pa garantizar que los llogros cunten con una proteición industrial amañosa.