Departamentos, Institutos y Grupos d’investigación

L’inxerimientu de la investigación y la docencia na Universidá d’Uviéu constitúi un fechu fundamental. La investigación faise principalmente en Departamentos y Centros o Institutos d’investigación y encartíyase al rodiu de Grupos d’investigación, a los que s’amiesten, amás de personal docente ya investigador, investigadores mozos en formación.

Los investigadores tresformen la Universidá d'Uviéu nuna institución d'escelencia y de referencia nel ámbitu investigador. El mayor potencial d'investigación de la Universidá d'Uviéu son les persones que desendolquen esta xera, tanto individualmente como organizaes en grupos d'investigación.

Los investigadores son los principales responsables de la busca de los recursos económicos que faen vidable'l desendolcu del llabor investigador, y d'ellos remanez la producción científica y la tresferencia de teunoloxía, que tresformen a la Universidá d'Uviéu nuna institución d'escelencia y de referencia nel ámbitu investigador.

Los méritos y la sonadía de caún d'ellos van en porgüeyu de tolos miembros de la Universidá y asina ha reconocese y valorase. El llabor investigador de toos inflúi na imaxe de tola institución.