Ayudes a la investigación na Universidá d’Uviéu

La Universidá d’Uviéu tien un compromisu cola investigación d’escelencia y apuesta por un plan propiu d’ayudes a la investigación que complementa al restu de programes de beques y ayudes nacionales y rexonales.

El programa de la Universidá d'Uviéu pa encontar a los sos científicos abarca estremaos aspeutos de la investigación, y ocúpase de garantizar a los talentos mozos una oportunidá de llevar los sos proyeutos alantre per aciu del financiamientu de másteres, desendolcu de tesis doctorales o l'entamar nuevos proyeutos d'investigación.

La Universidá d'Uviéu cueta con un programa d'ayudes propiu pa los sos investigadores q'enconta los talentos mozos y da sofitu pa la busca de nuevos proyeutos internacionales y el contautu coles empreses

Les ayudes de la Universidá d'Uviéu tamién dan sofitu a los grupos d'investigación pa preparar les sos propuestes pa nuevos proyeutos europeos, afalar el contautu coles empreses o asoleyar los sos resultaos d'investigación.

La internacionalización y la busca del talentu fuera de les nueses llendes son otres de les exes estratéxiques afitaes. Darréu, detállense dalgunes de les llinies principales d'actuación del programa propiu d'ayudes de la Universidá.

  • Beques de retención de talentos mozos pa facer estudios de máster universitariu
  • Ayudes pa la fechura de Tesis Doctorales
  • Organización de las Xornaes Doctorales de la Universidá d'Uviéu
  • Ayudes pal inxerimientu temporal d'investigadores d'escelencia
  • Ayudes de movilidá d'escelencia pa investigadores de la Universidá d'Uviéu
  • Ayudes pa proyeutos d'investigación propuestos por equipos nacientes
  • Ayudes pa la preparación de propuestes de proyeutos d'investigación pa presentar a les estremaes convocatories del Programa Horizonte 2020 de la Xunión Europea
  • a las diferentes convocatorias del Programa Horizonte 2020 de la Unión Europea
  • Ayudes pa la espublización de resultaos d'investigación.
  • Ayudes pal entamu d'aconceyamientos sectoriales universidá/empresa

(Los investigadores interesaos en consultar les caberes convocatories del programa d'ayudes puen facelo na Intranet d'Uniovi)