Investigación

La Universidá d’Uviéu ye’l motor de la I+D+i n’Asturies. Tien convenios de collaboración y contratos con al rodiu de 500 empreses y fixo un esfuerciu nos caberos años por xubir los niveles de tresferencia teunolóxica.

El cuñu d'Escelencia Internacional reconoció la calidá y proyeición internacional del trabayu que desendolquen los nuesos científicos. La Universidá d'Uviéu pon al so algame un ampliu catálogu de servicios y equipamientos pa llograr una xestión acionada del llabor investigador y tresferir los sos resultaos a la sociedá y a les empreses.

El cuñu d'Escelencia Internacional reconoció la calidá y proyeición internacional del trabayu que desendolquen los nuesos científicos.

L'encontu a la investigación de la institución académica espéyase tamién n'estremaos programes d'ayudes específicos. Amás, los diferentes servicios colos que cunten pa los investigadores sofiten la busca d'aliances internacionales y financiamientu y tamién l'algame de la proteición llegal precisa pa los sos llogros.

Afondar na xuntura ente la Universidá y la Empresa ye una llinia d'actuación cimera de la institución académica. La collaboración ente'l mundu empresarial y la comunidá investigadora abre puertes a la tresferencia efeutiva de conocimientu a la sociedá.

Los Servicios Científicos de la Universidá ponen al algame de los investigadores equipamientos de vanguardia. L'espardimientu de la investigación garantízase pente medies de la Biblioteca de la Universidá d'Uviéu, la Oficina de Comunicación y la Unidá de Cultura Científica de la OTRI.