Ayudes pa visites de científicos a la Universidá d’Uviéu

La Universidá d’Uviéu cofinancia la participación d’investigadores vinientes d’otres universidaes y centros d’investigación, tanto nacionales como estranxeros, en xeres d’intercambiu científicu na institución académica asturiana.

Condiciones l'ayuda

Podrán pidir esta clas d'ayudes los Departamentos ya Institutos de la Universidá d'Uviéu, a propuesta de Profesores de los mesmos o d'investigadores contrataos per aciu del Programa Ramón y Cajal o Juan de la Cierva, de la Universidá d'Uviéu o de contratos equivalentes del PCTI.

Presentación de solicitúes

Les solicitúes presentaránse dende la fecha de la espublización d'esta convocatoria hasta'l 31 d'ochobre de 2012.

Les solicitúes roblaes pol Direutor del Departamentu o Institutu y empobinaes al Vicerrector d'Investigación presentaránse pel Portal del Investigador per aciu de los formularios normalizaos correspondientes disponibles nel portal del investigador.

La documentación qu'ha axuntase ye la que vien darréu:

  • Solicitú cumplimentada (pinchar aquí para acceder al Portal del Investigador).
  • Presupuestu detalláu de los gastos estimaos, afitando les cantidaes y fontes de financiamientu con que participa'l Departamentu o Institutu nel cofinanciamientu.
  • Memoria na que se conseñe de mou breve l'actividá científica que se va dsendolcar y na que se xustifique la pertinencia de la participación del visitante.
  • Reseña curtia del Currículum Vitae del investigador visitante.

Cuantía máxima

Les ayudes podrán financiar parcialmente los gastos remanecíos de la visita del científicu. A esti conceutu destinaráse un máximu de 2.000 € por Departamentu o Institutu y 500 € por ayuda. Les concesiones tarán supeditaes a les disponibilidaes presupuestaries del programa de gastu del Vicerrectoráu d'Investigación pa esti fin.

Obligaciones de los beneficiarios na xustificación de l'ayuda

  • En casu de que l'actividá del visitante incluya la presentación de resultaos d'investigación, ésta habrá ser pública y sedrá informáu'l Vicerrectoráu d'Investigación, que lo anunciará de mou oportunu.
  • El profesor solicitante apurrirá al Vicerrectoráu d'Investigación los xustificantes del viax y/o estancia del profesor visitante. Cada entidá cofinanciadora habrá asumir la totalidá del gastu que financia (viax completu y/o gastos d'agospiamientu pola totalidá de la estancia) que se tramitarán enantes del 15 d'avientu de 2012, faciendo la precarga pente medies del Portal del Investigador y los orixinales conformaos pel Rexistru de la Universidá.