Otres ayudes

Ayudes pa facer estancies de movilidá

El Campus d'Escelencia Internacional entama una serie d'ayudes p'afalar la incorporación de docentes ya investigadores a la Universidá d'Uviéu n'estancies temporales. L'oxetivu ye dar puxu a la dimensión internacional del claustru de profesores de la institución académica asturiana.

D'estes convocatories puen beneficiase profesores invitaos nes enseñances de máster universitariu (cabera resolución: Testu de la disposición ; PDF de la disposición) y tamién docentes d'universidaes estranxeres que quieran facer una estancia temporal, d'ente ún y tres meses (cabera convocatoria nel BOPA: )

Ayudes pa Profesores Visitantes Fullbright 2013/2014

La Comisión d'Intercambiu Cultural, Educativu y Científicu ente España y los Estaos d'América fai un brinde a les universidaes y centros d'investigación españoles a que soliciten un profesor visitante d'EEXX pa estancies de tres a cinco meses ente setiembre de 2013 y xunetu de 2014.

Oxetivu

Sofitar a les instituciones interesaes sovencionando la visita de profesores pa cursos o seminarios de doctoráu.

Financiamientu

Les universidaes habrán comprometese a cofinanciar la estancia del profesor o a contribuyir n'especie de mou significativu. Valoraráse, amás, la descripción con procuru de los planes de trabayu, del calendariu académicu y de la hospitalidá prevista. La Comisión encárgase de los viaxes, estancia y seguros de los profesores invitaos y de los acompañantes de so.

Estayes

Cualesquier estaya d'estudios universitarios. Tendrán preferencia les solicitúes que planteguen cursos xeneralistes que nun s'atopen ente los ufiertaos davezu na universidá.

Llargor

De tres a cinco meses.

Plazu d'incorporación

Primer o segundu semestre del cursu 2013-2014.

Impresu de solicitú:

Na páxina web de la Comisión Fulbright

Resolución de beques:

La Comisión dará anuncia de les solicitúes rexistraes a lo cabero del plazu de presentación de solicitúes. La Comisión escoyerá los profesores d'EEXX nel mes de febreru del añu 2013.

Si'l departamentu universitariu interesáu en participar quier pidir la visita d'un profesor concretu, ésti ha pidir la participación nel Programa Fullbright per aciu de la oficina nos Estaos Xuníos, CIES, dientro del plazu de presentación de solicitúes de profesores: 1 de febreru a 1 d'agostu de 2012.

Más información

Comisión d'Intercambiu Cultural, Educativu y Científicu ente España y los Estaos Xuníos d'América

Dirección
Paséu General Martínez Campos, 24 - 28010 Madrid
Teléfonu
917 027 005
Fax
913 085 704 ó 917 022 185
Correo Electrónico
pzahniser@comision-fulbright.org
Páxina web
www.fulbright.es