Programes de movilidá pa PDI

L’apueste pola internacionalización que llevó alantre nos caberos años la Universidá d’Uviéu lleva un impulsu a los programes de movilidá del personal docente ya investigador pa que puea facer estancies n’universidaes y centros docentes ya investigadores cimeros fuera d’España.

Profesores en acto académico Los profesores ya investigadores de la institución académica asturiana cunten con distintos programes, xeneralmente financiaos pola Xunión Europea, que faciliten el so treslláu a otros centros internacionales tanto pa recibir formación como pa desendolcar proyeutos d'investigación conxuntos o impartir docencia.

A los programes de movilidá tradicionales, como les convocatories Erasmus o les iniciatives de cooperación interuniversitaria, amiéstense nos últimos dos años, les ayudes procedentes del Campus d'Escelencia Internacional. La Universidá d'Uviéu financió parte de les estancies de profesores en dalgunes de les 200 meyores universidaes del mundu pola mor del programa de movilidá d'escelencia del CEI.