Programes de movilidá pal Personal d’Alministración y Servicios

Los miembros del Personal d’Alministración y Servicios cunten con dellos programes pa facer más fácil la movilidá n’universidaes estranxeres, sobre manera nel ámbitu européu ya iberoamericanu.

Programa Stella

Una de les iniciatives de movilidá con mayor proyeición ye'l programa Stella, que tien como finxu facilitar y afalar l'intercambiu de personal non académico ente les universidaes miembros del Grupu Compostela d'Universidaes (CGU). Les movilidaes consisten nuna o dos selmanes d'intercambiu ente marzu y ochobre (sacante xunetu y agostu).

Les universidaes amestaes al Grupu Compostela, 70 centros en total,sedrán les que reciban a les dos persones a les que se-yos conceda una estancia y una cuantía económica en conceutu de bolsa de viax pa que compartan y depriendan la cultura del llugar de destín y adquieran nueves esperiencies que-yos arriquezan la so vida profesional.

Los interesaos han unviar los formularios de solicitú a la Oficina de Rellaciones Internacionales de cualesquiera de les universidaes amestaes al Grupu Compostela d'Universidaes o a la secretaría del Grupu Compostela. Los criterios d'escoyeta afitaránse nel grau de conocencia d'idioma del país de destín, el máximu provechu en rellación al puestu de trabayu, l'antigüedá del puestu y l'orde de receición de solicitúes (en casu de qu'heba un empate).

Los miembros del Personal d'Alministración y Servicios tamién puen participar en programes de movilidá abiertos tamién al Personal Docente ya Investigador (PDI):

Los interesaos en pidir una ayuda puen consultar na Intranet de la Universidá d'Uviéu la evolución de la cabera convocatoria del programa (plazos de solicitú, documentación esixida, llistáu d'empreses participantes, llistes d'almisión, etc.)