Oficina d’Atención Internacional

La Oficina d’Atención Internacional ye’l puntu de referencia pa tolos alumnos estranxeros qu’apuerten a la Universidá d’Uviéu. El personal de la Oficina ayudará a tolos estudiantes internacionales a completar los trámites llegales, alministrativos y académicos necesarios pa que puean facer la so estancia na Universidá d’Uviéu, seya la que seya la so opción de movilidá internacional. La Oficina d’Atención Internacional tien delegaciones en diferentes campus de la Universidá d’Uviéu.

La Oficina ayudará a estudiantes y profesores estranxeros a facer los trámites alministrativos y académicos necesarios pa la so estancia n'Asturies

Los estudiantes y profesores estranxeros qu'apuerten a la Universidá d'Uviéu atoparán nesta Oficina'l conseyu necesariu pa poder homologar los títulos de la so Universidá de procedencia y tamién pa poder axilizar los trámites de visaos y permisos de residencia pa estudiantes o de trabayu pa docentes ya investigadores.

La Oficina d'Atención Internacional facilitará la llegada a Asturies aconseyando a los estudiantes sobro les sos posibilidaes d'agospiamientu, los requisitos p'abrir una cuenta bancaria, dar d'alta un teléfonu español o formalizar los seguros y l'atención sanitaria na so estancia n'España. Amás, informarán a los universitarios de tolos servicios y ventayes de que puen disponer los alumnos y profesores de la Universidá d'Uviéu (Tarxeta Universitaria, beques, oportunidaes llaborales, ufierta deportiva y cultural, etc.)

Contautu

Vicerrectoráu d'Internacionalización y Posgráu
C/ Principado 3, planta baxa, 33007-Uviéu
Corréu electrónicu:
inter.incoming@uniovi.es
Tfnu.:
+34 985104030 /+34 985104041
Horariu d'atención al públicu:
de llunes a vienres, de 9:30 a 14:00 hores; xunetu y agostu de 9:30 a 13:30 hores

Delegaciones nos dixebraos campus

Campus d'El Milán:
Edificiu de Servicios, 1ª planta
Teléfonu:
985 10 49 01
Corréu electrónicu:
relinmilan@uniovi.es
Campus d'El Cristo:
Decanatu d'Económiques
Teléfonu:
985 10 49 02
Corréu electrónicu:
relincristo@uniovi.es
Campus Universidá Llaboral:
Facultá de Comerciu, Turismu y Ciencies Sociales Xovellanos
Teléfonu:
985 18 26 34
Corréu electrónicu:
relinjovellanos@uniovi.es