Auxiliares de conversación

El Principáu d'Asturies, en collaboración cola Universidá d'Uviéu, ufierta la posibilidá a alumnos Erasmus que la so llingua materna sía l'inglés, o que tengan un bon dominiu del mesmu (va realizase un procesu d'entrevistes nestos casos), de collaborar en clases d'inglés en colexos ya institutos d'Asturies como Auxiliares de Conversación.

Nos caberos años, foi enanchándose pasu ente pasu'l númberu d'auxiliares de conversación Erasmus amestaos a les aules asturianes.

La función del participante nesti programa ye reforciar les destreces orales de los estudiantes, asistiendo al profesor titular del aula. En nengún momentu s'encargará d'impartir docencia en solitariu, y l'horariu selmanal ye de seis hores, xebraes en dos díes. L'estudiante Erasmus podrá participar de mou voluntariu n'otres xeres estraescolares.