Movilidaes Llibres (Freemover)

Podrán participar como estudiantes de Llibre Movilidá los alumnos estranxeros que cumplan los requisitos llegales d’accesu a la universidá, los que tengan una titulación universitaria y los qu’entamaren los sos estudios nuna universidá estranxera.

En casu dalu l'almisión d'estudiantes de Llibre Movilidá supondrá la reconocencia del cumplimientu de los requisitos d'accesu a la UU qu'establez la llegislación vixente pa cursar estudios empobinaos al llogru de títulos universitarios de calter oficial y validez en tol territoriu nacional.

Podrán venir a la Universidá d'Uviéu pa cursar determinaes asignatures o estudios per ún o dos semestres, pagando l'importe correspondiente a la matrícula que variará en función de los estudios y que sedrá diferente si se pertenez a un país de la Xunión Europea.

Pa ello sedrá necesario unviar la documentación que vien darréu:

  • Impresu de solicitú (Application Form)
  • Fotocopia de la tarxeta d'identidá o pasaporte.
  • Certificación, nel so casu, de tar cursando estudios universitarios nel país d'orixe. En casu de nun ser estudiante universitariu, habrá axuntase una memoria d'interés, onde s'acreíte'l motivu de la solicitú y la rellación de los estudios cola so esperiencia llaboral o profesional, lo mesmo qu'un xustificante de que los estudios que tien dan accesu a la Universidá nel país d'orixe.
  • Certificáu de notes colos estudios fechos hasta güei.
  • Documentación acreitativa de conocencia de la Llingua española.

La documentación pue unviase per corréu electrónicu a inter.incoming@uniovi.es, pa entamar el procesu. Una vegada que l'estudiante seya aceutáu, ha unviar los documentos orixinales per corréu a les señes que vienen darréu:

Contacto:

Vicerrectoráu d'Internacionalización y Posgráu:
C/Principado 3, planta baxa 33207 Uviéu
Pa cualquier consulta:
inter.incoming@uniovi.es