Movilidaes de Conveniu

La Universidá d’Uviéu robló convenios de collaboración y movilidá con centros universitarios de sonadía n’Europa, América, Asia y África. Esta política d’internacionalización respuende a la vocación de proyeición esterior de la nuesa institución y al querer ser referente académicu, investigador y multicultural dientro de la sociedá.

Imagen carteles Los estudiantes que s'acueyan a una movilidá de conveniu tendrán que facer tolos trámites de la so estancia pente medies de la Oficina de Rellaciones Internacionales, tanto enantes de viaxar como a la so llegada a Uviéu. Toos ellos cuntarán con bayura de servicios y xeres pa facer más fácil la so adautación dientro y fuera de la Universidá.

Enantes de venir

Unviu a la Oficina de Rellaciones Internacionales de la documentación que vien darréu:

  • Impresu d'Inscripción (Exchange Agreement Application Form).
  • Contratu d'Estudios ECTS (Exchange Agreement Learning Form). Ha cumplimentase l'apartáu d'asignatures a cursar na Universidá d'Uviéu, con códigu y númberu de creitos. El contratu ha unviase robláu pol coordinador institucional y el profesor responsable del alcuerdu na Universidá d'orixe.
  • Fotocopia de la Tarxeta d'Identidá o Pasaporte

Fecha llende pal unviu

  • Primer quincena de xunetu p'alumnos qu'entamen nel primer cuatrimestre o añales
  • Primer quincena de payares p'alumnos qu'entamen nel segundu cuatrimestre

Corréu electrónicu de contautu: inter.incoming@uniovi.es

Al llegar

  1. Rexistru na Oficina de Rellaciones Internacionales
    • L'alumnu apurrirá la siguiente documentación:
      • Orixinal y copia de pasaporte
      • Una semeya tamañu carné
      • Orixinal y copia del Seguru d'Asistencia Sanitaria con cobertoria n'España
    • Agospiamientu. Daráse-yos información sobro agospiamientos disponibles.
    • Conseyu sobro la cumplimentación definitiva del so contratu d'estudios.
    • Formalización de matrícula nes asignatures venceyaes nel contratu d'estudios (Plazu de 15 díes de magar l'entamu del cuatrimestre correspondiente).
    • Notificar cualesquier cambéu de domiciliu o de duración de la estancia a la O.R.I.
    • Cursu d'Español
  2. Aconceyamientu de bienvenida
  3. Permisos de residencia como Estudiante
    Delegación del Gobiernu. Oficina d'Estranxería
    Plaza d'España, 3, 3 33007 Uviéu
    Teléfonos de cita previa: +34 985 24 64 14, +34 985 24 64 15
    Más información en: http://www.map.es