Estudiantes internacionales

La Universidá d’Uviéu acueye cada añu a más d’un millar d’estudiantes estranxeros. Ye un destín buscáu y pervaloráu polos alumnos internacionales gracies a la sonadía académica de la institución y al so allugamientu privilexáu nun marcu como’l del Principáu d’Asturies.

Imagen de un estudiantes Col envís de facilitar al máximu los trámites llegales y académicos y ayudar a los alumnos estranxeros nel so procesu d'adautación, la Universidá d'Uviéu pon al so algame una rede de servicios y conseyu que-yos permitirá resolver de mou áxil les sos duldes.

La Oficina d'Atención al Estudiante Internacional ufierta la información y sofitu necesarios pa face tolos trámites académicos y xestiones que faciliten l'adautación del universitariu

Pente medies de la Oficina d'Atención al Estudiante Internacional llograrán tola información y sofitu necesarios pa completar los trámites llegales y académicos y pa llevar alantre xestiones imprescindibles, como abrir una cuenta bancaria o estudiar les estremaes opciones d'agospiamientu. Los futuros alumnos de la Universidá d'Uviéu podrán planificar el so viax antemanadamente y disponer de toda la información que precisen enantes d'aportar a Asturies.

L'ayuda nes primeres selmanes de la estancia tamién llegará per aciu de los propios compañeros. El programa a-dUU pon en contautu al nuevu alumnu con un estudiante español del so mesmu campus, que lu aconseyará y guiará nes sos primeres selmanes n'Asturies.

Los estudiantes estranxeros tendrán amás al so algame una amplia ufierta de xeres culturales, deportives y d'ociu afalaes pola Universidá o poles asociaciones estudiantiles.