Erasmus estudios

Pente medies del Programa Erasmus, los alumnos puen cursar parte de los sos estudios –de primer, segundu o tercer ciclu– n’universidaes de países estranxeros, dientro del ámbitu de la Xunión Europea. Cada añu, más de 600 estudiantes de la Universidá d’Uviéu benefíciense de les movilidaes internacionales Erasmus pa completar parte de los estudios nuna Universidá estranxera.

"Más de 600 alumnos de la Universidá d'Uviéu esfruten cada cursu d'una beca Erasmus cofinanciada pola XE, el Ministeriu d'Educación y la Universidá"

Les ayudes Erasmus Estudios tán cofinanciaes pola Xunión Europea (XE), la Universidá d'Uviéu y el Ministeriu d'Educación, Cultura y Deporte y cubren el sobrecostu que supón estudiar n'otru país. La Xunión Europea ufierta ayudes adicionales a estudiantes con minusvalíes. Toles ayudes son compatibles coles beques y ayudes del Ministeriu d'Educación.

Pue pidir una beca Erasmus Estudios tol que tea matriculáu na Universidá d'Uviéu n'estudios reglaos de grau o n'estudios oficiales de posgráu y superare, enantes d'entamar la movilidá, 60 creitos.

Destinos Erasmus estudios


Ver DESTINOS ERASMUS ESTUDIOS en un mapa más grande