Convenios de movilidá

El programa de Convenios Internacionales 2013-2014 ufierta más de 70 places n’universidaes d’Alemaña, Arxentina, Brasil, Canadá, China, EEXX, Francia, Italia, Méxicu, Nueva Zelanda, Perú, Rusia, Taiwán y Túnez coles que tien convenios de cooperación la Universidá d’Uviéu que dexen facer nelles parte de los estudios.

El programa de convenios internacionales ufierta fórmules perflexibles de movilidá internacional como los cursos de branu y dexa, en dellos casos, algamar el títulu de la Universidá de destín

Estos convenios ufierten estudios oficiales (grau, máster universitariu o doctoráu) y dan seguranza de la so reconocencia académica dafechu. Hai convenios que dexen algamar el títulu pela universidá de destín. Tamién hai dalgunos cursos de branu.


Ver DESTINOS MOVILIDADES DE CONVENIO en un mapa más grande

¿Quién pue pidir una movilidá?

Tou estudiante matriculáu na Universidá d'Uviéu nel cursu 2012-2013 n'enseñanza reglada de Grau o n'estudios oficiales de Posgráu.

¿En qué condiciones económiques se fadría?

Los convenios de cooperación conseñen, en cada casu, si se tien matrícula gratuita y/o d'ayuda de viax.

¿Cómo ye la escoyeta?

Escuéyese acordies col espediente académicu, la nota del exame obligatoriu d'idioma y, nel so casu, una entrevista pa evaluar la madurez y la fluidez oral nel idioma. Tamién cunta la participación nel programa añal de Tándem y nel Programa a-dUU.

Los alumnos interesaos en pidir una movilidá de conveniu puen consultar na Intranet de la Universidá d'Uviéu la evolución de la cabera convocatoria del programa (plazos de solicitú, documentación esixida, pruebes d'idiomes, llistes d'almisión, etc.)

Documentos rellacionaos: