Movilidaes CONAHEC

En CONAHEC (Consortium for North American Higher Education Collaboration), del que la Universidá d’Uviéu forma parte como miembru afiliáu, participen Universidaes d’EEXX, Canadá, Méxicu y otres instituciones.

Les beques de movilidá CONAHEC d'esta convocatoria son incompatibles ente sí, lo mesmo que coles ayudes d'Erasmus d'estudiu y coles de convenios de cooperación convocaes pola Universidá d'Uviéu pal cursu 2012-2013.

¿Qué me dexa facer esti programa?

Dir un semestre, un cursu académicu o un cursu de branu a una universidá estranxera perteneciente a la rede CONAHEC.

¿En qué consiste l'ayuda?

Logo Conahec L'alcuerdu dexa pagar la matrícula na Universidá d'orixe y cursar los estudios na universidá de destín escoyida.

Nun hai ayudes adicionales de viax, estancia o mantención dientro d'esti alcuerdu. Tolos costos na universidá de destín cuerren per parte del estudiante.

¿Cuáles son les feches d'inscripción?

Consulta na páxina web, depende del periodu de participación: CONAHEC

¿Cuántes places hai?

Nun hai un númberu de places fixu. La Universidá d'Uviéu empobina les solicitúes recibíes que cumplan los requisitos de participación y únviales a la universidá de destín, que ye la que fai la escoyeta final. Nel casu de que la universidá de destín estableza places llendaes, la preseleición fadráse atendiendo a la nota media del espediente académicu.


Ver Conahec en un mapa más grande

¿Cuálos son los requisitos de participación?

  • Tar matriculáu na Universidá d'Uviéu n'enseñanza reglada, nun cursu cimeru a primeru de grau, diplomatura, llicenciatura o inxeniería nel cursu en que se solicite la movilidá y mientres el cursu de realización de la estancia.
  • Tener superaos nel momentu d'entamar la movilidá 90 creitos de los estudios universitarios (planes d'enseñances anovaes.)
  • Tener una nota media del espediente académicu superior a 6.
  • Los beneficiarios de les movilidaes habrán axuntar, enantes d'entamar la so estancia na universidá estranxera, los requisitos esixíos nos sos planes d'estudios y, nel so casu, los riquíos pola universidá de destín.
  • Naquellos casos en que se riquir una nota mínima nel exame d'idioma TOEFL, o otra equivalente, ésta tien d'acreditase antes del 15 d'abril de cada cursu académicu.
  • Determinar la viabilidá de les reconocencies académiques col Coordinador Internacional del so centru, dientro del plazu afitáu pa la presentación de solicitúes.
  • Nel casu de los itinerarios billingües de la Universidá d'Uviéu, certificáu del centru onde se conseñen les asignatures cursaes y superaes en llingua inglesa.

¿Cómo lo faigo?

La solicitú ye dafechu on-line. En primer llugar tienes que consultar na web que ta disponible la to titulación na universidá a la que quieras dir.

Llueu faes la solicitú, que tramitará'l coordinador de la Universidá d'Uviéu. Esta solicitú tienes que entregala roblada na oficina de Rellaciones Internacionales o unviala al corréu electrónicu inter.incoming@uniovi.es

Contacto:

Vicerrectoráu d'Internacionalización y Posgráu:
C/Principado 3, planta baxa 33207 Uviéu
Pa cualquier consulta:
inter.incoming@uniovi.es