Programes de movilidá

Los alumnos de la Universidá d’Uviéu cunten con delles opciones pa poder facer una movilidá internacional. Caúna de les modalidaes adáutase a necesidaes y a fasteres xeográfiques estremaes.

Dientro del millar d'alcuerdos internacionales que cerró la institución académica asturiana, l'alumnu va poder atopar el destín que más-y interese o meyor convenga a les sos necesidaes.

Tolos alumnos comenenciudos en cursar parte de los sos estudios fora d'España van atopar tola información y asesoramientu necesarios nel Vicerrectorado d'Estensión Universitaria y Proyección Internacional y al traviés de los responsables de relaciones internacionales nos centros d'estudios.

Cada programa tien condiciones específiques nel ámbitu académicu y la cuantía económica de les posibles ayudes tamién varia. Los estudiantes comenenciudos en realizar una movilidá internacional han de consultar los requisitos específicos de caúna de les opciones. A manera de resume, los programes de movilidá xestionaos al traviés del Vicerrectorado d'Estensión Universitaria y Proyección Internacional son los siguientes:

Erasmus grau

Estudios de Grau d'un cursu académicu o semestre de duración n'Universidaes Europees con alcuerdos institucionales vixentes, con reconocencia d'estudios.

Erasmus posgráu

Estudios de Posgráu (máster universitariu y doctoráu) d'un cursu académicu o semestre de duración n'Universidaes Europees con alcuerdos institucionales vixentes dependiendo de la duración del máster.

Erasmus docencia

Estancies docentes n'Universidaes Europees con alcuerdos institucionales vixentes, con un máximu financiable de 5 díes y ayudes pal viaxe en función del destín.

Erasmus formación 

Estancies de formación empobinaes al PDI o PAS n'Universidaes Europees con alcuerdos institucionales vixentes o otros organismos que nun sían Instituciones Europees d'Educación Cimera, con un máximu financiable de 5 díes y ayudes pal viaxe en función del destín.

Erasmus práctiques

Convocatoria de movilidá pa la realización de práctiques n'empreses y organizaciones europees, con una duración entendida ente 2 y 12 meses, nel marcu del Programa Erasmus +

Movilidaes de conveniu grau

Estudios de Grau d'un cursu académicu o semestre de duración n'Universidaes de fora d'Europa con alcuerdos institucionales vixentes, con reconocencia d'estudios.

Movilidaes de conveniu posgráu

Estudios de Posgráu d'un cursu académicu o semestre de duración n'Universidaes de fora d'Europa con alcuerdos institucionales vixentes dependiendo de la duración del máster.

Cursos de branu

Participación en cursos de branu empobinaos a promover ya incentivar la cooperación cultural con otros países, según el perfeccionamiento llingüísticu nel idioma del país d'acoyida y que la so realización llevar cabu nel marcu de los Convenios de Collaboración suscritos pola Universidá d'Uviéu con otres instituciones estranxeres d'educación cimera, ensin reconocencia d'estudios.

Tandem Bochum 

La participación nel programa Tándem d'alemán en Bochum, dexa perfeccionar la llingua les competencies nel idioma alemán y llograr creitos al traviés d'una estancia.

Llectoraos

Programa de movilidá empobinada a estudiantes de Grau y Posgráu, al traviés de convenios internacionales, con universidaes ya instituciones socies qu'ufierten places de llectoráu a estudiantes de la Universidá d'Uviéu.

Práctiques de cooperación internacional

La Universidá d'Uviéu collabora col Principáu d'Asturies y con Cáritas Asturies pa llevar a cabu la realización de práctiques de cooperación en distintos países d'América Llatina y África. Los estudiantes que se beneficien del programa de práctiques en proyectos de cooperación al desenvolvimientu van cuntar cola cobertoria de los gastos de desplazamientu y de la estancia. Amás, la Universidá d'Uviéu va tramitar la reconocencia académica d'esta actividá al traviés de la concesión de creitos ECTS.

Programa PUEDES 

Mundus PUEDES pa esfrutar d'una movilidá de Grau o Posgráu nuna de les universidaes llatinoamericanes que formen parte un consorciu compuestu por 20 instituciones. La información sobre los requisitos ta disponible na páxina web: http://www.puedes.eu/inicio