Beques Santander

Esti programa de beques promovido pola entidá bancaria ta dirixíu a estudiantes de grau y posgráu d'universidaes d'España, Brasil y Reinu Uníu pa incentivar la movilidá internacional. L'estudiante va poder cursar un semestre de los sos estudios nuna universidá d'un país distintu al so.

Dientro del conveniu ente la Universidá d'Uviéu y el Banco Santander, convóquense beques pa estudiantes de grau/llicenciatura de la Universidá d'Uviéu pa cursar estudios nes universidaes de Méxicu, Colombia y Perú detallaes na convocatoria.

El llargor de la estancia sedrá d'un semestre nel periodu comprendíu ente'l 1 de xunetu de 2012 y el 1 de xunetu de 2013. L'asignación económica total de cada beca sedrá de 3.000 euros.

Requisitos Xenerales de participación

Tar matriculáu n'enseñances de grau o llicenciatura de la Universidá d'Uviéu'l cursu 2011-2012 y nel cursu 2012-2013, llogrando pelo menos 120 creitos o superando dafechu y satisfactoriamente los dos primeros cursos de los sos estudios. Sedrá requisitu imprescindible la so inscripción pel enllaz na páxina www.becas-santander.com.

Los alumnos interesaos en pidir una beca puen consultar na Intranet de la Universidá d'Uviéu la evolución de la cabera convocatoria del programa (plazos de solicitú, documentación esixida, llistáu d'empreses participantes, llistes d'almisión, etc.