Otres ayudes de movilidá

Beques La Caixa

La entidá bancaria ufierta beques pa enanchar estudios n'universidaes del estranxeru. Les beques de posgráu internacional dexen acceder a universidaes d'Europa, América del Norte y Asia. Pal añu 2013, la ufierta ye la que vien darréu:

  • 65 beques pa cursar estudios de posgráu n'Europa.
  • 48 beques pa cursar estudios de posgráu n'América del Norte.
  • 7 beques pa cursar estudios de MBA n'Asia.

Les beques cubren dafechu la matrícula, una asignación mensual pa gastos de vivienda y mantención, una asignación única pa gastos de primer asitiamientu, viaxes y seguru médicu.

Los estudiantes que quieran presentar la so candidatura y participar nel procesu de seleición puen consultar les bases y tener la documentación necesaria na web www.lacaixa.es/ObraSocial.

Beques Fulbright

La beques Fulbright tán empobinaes a titulaos superiores mozos de cualesquier disciplina que tean interesaos en programes de Máster, Ph.D. o, esceicionalmente, en proyeutos d'investigación predoctoral n'universidaes de los EE.XX. Les estancies de los beneficiarios sedrán d'ente 10 y 12 meses. La cobertoria de les ayudes inclúi: viaxe, compra de llibros y materiales; mantención; matrícula; seguru médicu y d'accidentes.

Les beques tán patrocinae por: Gobiernu d'España, Gobiernu de los EE.XX., Xunta d'Andalucía, Comunidá de Madrid, Fundación Ramón Areces, El Corte Inglés, Abengoa y University of Maryland-Baltimore County.

Los interesaos en tener más información sobro les ayudes puen consultar www.Fulbright.es

Beques Fulbright pa llectores d'español

Les beques Fulbright pa llectores d'español tán empobinaes a llicenciaos o graduaos que quieran enseñar español nuna universidá o college de los Estaos Xuníos, al empar que s'estudien dos o tres asignatures. Tán empobinaes a graduaos de les estayes de Ciencies de la Educación, Pedagoxía, Filoloxía española o inglesa, o otra especialidá siempres que s'amuese esperiencia na enseñanza d'idiomes.

La duración de la estancia sedrá d'un cursu académicu, ensin posibilidá d'anovación. La dotación económica de l'ayuda ye de 4.000 dólares más l'ayuda complementaria de cada universidá. Tamién cubre'l seguru d'accidente y enfermedá.

Los interesaos en tener más información sobro les ayudes puen consultar www.fulbright.es

Beques Fundación Iberdrola

Les beques de la Fundación Iberdrola tán empobinaes a aquellos llicenciaos o graduaos que quieran cursar un máster d'Enerxía y Mediu Ambiente nos Estaos Xuníos. Los centros de destiín pa los beneficiarios son la Universidá de Rochester o la Universidá de Maine.

Les estayes temátiques del programa de máster a cursar han de ser les que vienen darréu:

  • Almacenamientu d'enerxía
  • Enerxíes anovables
  • Eficiencia enerxética
  • Mediu ambiente y biodiversidá
  • Redes de distribución intelixentes
  • Sistema enerxéticu caltenible
  • Teunoloxíes llimpies de carbón y xestión d'emisiones
  • Vehículu llétricu

La estancia de la beca sedría d'un añu y la so dotación económica inclúi'l costu de la matrícula, una mensualidá de 2.100 dólares y una bolsa de viax de 1.900 dólares. Tamién cubre'l seguru d'enfermedá y accidente.

Los interesaos en tener más información sobro les ayudes puen consultala en:http://www.fundacioniberdrola.org/webfund/corporativa/iberdrola?IDPAG=ESFUNARESOSABUSA12.

Beques Asociación Universitaria Iberoamericana de Posgráu (AUIP)

Les beques d'instituciones asociaes de la AUIP tán empobinaes a estudiantes de posgráu y quier facer más fácil l'alcuentru ente investigadores d'estremaos países, diseñar, proyeutar y entamar proyeutos conxuntos d'investigación o favorecer la realización de pasantíes, estancies académiques que contribuyan a una collaboración más afayadiza ente les instituciones.

Les ayudes de la AUIP cubren esclusivamente los gastos de desplazamientu hasta un máximu de 1.200 euros. Los interesaos en tener más información sobro les convocatories puen consultales en: http://www.auip.org/index.php/es/becas-auip/567

Programa Vulcanus pa facer práutiques n'empreses teunolóxiques en Xapón

Una iniciativa que xurdió ente'l Ministeriu de Economía, Comerciu ya Industria xaponés y la Xunión Europea, y que dexa a los estudiantes europeos facer práutiques en materies venceyaes cola industria o la teunoloxía, dientro d'una empresa xaponesa. Tán empobinaes a estudiantes universitarios de magar el tercer añu o de posgráu dientro de la estaya d'inxeniería o ciencies.

La estancia del programa sedrá d'un añu. Los candidatos que llogren una plaza fadrán, en primer llugar, un seminariu d'una selmana en Xapón. Llueu tendrán de facer un cursu intensivu de xaponés con un llargor de cuatro meses. Y a lo cabero, tendrán la posibilidá de facer unes práutiques profesionales d'ocho meses nuna empresa nipona.

Les estayes académiques que dan derechu a participar nel procesu de selección son: informática, inxeniería, inxeniería mecánica, química, electrónica, bioteunoloxía, lletricidá/inxeniería llétrica, física, telecomunicaciones, inxeniería nuclear, materiales metálicos, cerámica, sistemes de producción o, carreres asemeyaes.

La dotación económica pa los estudiantes elixíos ye de 2.000.000 de yenes (unos 18.500 euros) pal viax de dir y volver y los gastos de mantención en Xapón. Una vegada qu'entamen les práutiques, agóspialos la empresa receutora, y el costu de los cursos y el seminariu cuerren por cuenta del centru XE-Xapón pa la Cooperación Industrial.

Los interesaos en tener más información sobro les convocatories puen consultala en http://www.eu-japan.eu/global/vulcanus-in-japan.html

Beques del Gobiernu chinu

El Gobiernu chinu convoca añalmente beques d'estudios pa estudiantes de grau y posgráu pa completar la so formación en centros universitarios y d'investigación de la República Popular China. Los interesaos en tener más información sobro la convocatoria puen consultar en http://www.embajadachina.es/esp/zxdt/t1009970.htm

Programa Fundación ICO- Beques China

Les beques de la Fundación ICO tán empobinaes a graduaos o llicenciaos que quieran deprender chinu y allegase a la realidá económica y social de China. La estancia na Universidá de Beixín pa facer un cursu de mandarín sedría de 9 meses.

Los beneficiarios tendrán cubiertos los gastos de matrícula y agospiamientu. Amás, l'ayuda cunta con una bolsa de gastos personales de 4.400 euros y otra bolsa de viaxe de 2.000 euros. Los interesaos en tener más información sobro'l programa de beques puen facelo en http://www.fundacionico.es/index.php?id=374