Ayudes Erasmus pa persones con necesidaes específiques

La XE fai una convocatoria d’ayudes adicionales de movilidá pa estudiantes Erasmus, modalidá estudios y práutiques, incluyíos los participantes en Programes Intensivos (IP) y en Cursos Intensivos de Llingua Erasmus (EILC) y personal docente y non docente que tengan necesidaes especiales (discapacidá grave).

La Comisión Europea acoyó una política xeneral col envís d'inxerir les persones con discapacidá en tolos programes y aiciones comunitaries, en particular nel ámbitu de la educación.

L'aplicación d'esta política nel ámbitu de la movilidá na enseñanza superior lleva arreyáu afalar les condiciones que dexen que les persones con discapacidá participen del mou más completu posible nos programes comunitarios de movilidá pa estudiantes, profesores y demás personal de les instituciones d'educación superior.

Los alumnos interesaos en pidir una ayuda puen consultar na Intranet de la Universidá d'Uviéu la evolución de la cabera convocatoria del programa (plazos de solicitú, documentación esixida, llistáu d'empreses participantes, llistes d'almisión, etc.