Beques y ayudes

Completar una estancia docente o d'investigación nun centru estranxeru de prestixu ye una esperiencia arriquecedora nel ámbitu académicu y tamién nel personal. Por ello, la Universidá d'Uviéu fixo un mayor esfuerciu pa que los sos estudiantes cunten con una amplia rede de destinos posibles y puean escoyer el que meyor s'adauta a les sos necesidaes.

El conxuntu d'ayudes nacionales y tamién d'entidaes privaes dexa a los alumnos que cumplan los requisitos cubrir parte de los sos estudios de grau y de posgráu. Los programes de sofitu a estes movilidaes son de calter públicu y priváu y dalgunos d'ellos céntrense n'estayes específiques de conocimientu.

L'amplia ufierta de beques y ayudes pa facer una movilidá internacional inclúi fórmules estremaes como les estancies nel cursu, estancies intensives o cursos de branu. Amás de cursar los estudios de grau o posgráu n'otra institución hai programes específicos p'ameyorar la capacitación llingüística.

Polo que cinca a la movilidá nacional, les Beques del Ministeriu d'Educación, Cultura y Deporte dexen cursar estudios na modalidá presencial y matrícula dafechu en centros asitiaos nuna comunidá autónoma estremada de la del so llar familiar.