Vivir n’Asturies

El Principáu d’Asturies ye una comunidá autónoma de poco más d’un millón d’habitantes, con una fonda tradición industrial y un patrimoniu natural que s’alcuentra ente los meyor calteníos d’España. El so clima ye atlánticu, con temperatura sele tol añu y lluvia abondoso.

Imagen de un lago El sector servicios lleva'l pesu cimeru de l'actividá económica asturiana, magar que la industria pesada de la siderurxa y la minería tienen un papel destacáu nel PIB asturianu. Asturies ye una de les comunidaes más segures del estáu y coneutada col restu d'España y Europa per aciu d'un aeropuertu Internacional, redes de ferrocarriles de redolada y llargu percorríu y tresporte per carretera.

Los sistemes d'educación y salú públicos del Principáu d'Asturies afáyense ente los meyor valoraos. La comunidá cunta con una costa y unos paisaxes naturales con un altu grau de caltenimientu y proteición. Amás del Parque Nacional de Los Picos d'Europa, la comunidá tien cinco Reserves de la Biosfera declaraes pola UNESCO.

Costu de la vida n'Asturies

Los gastos mensuales d'un estudiante estranxeru puen tar al rodiu de los 600 euros, dependiendo del agospiamientu escoyíu. Nun hai llendes en cuantes a la cantidá de divises que l'estudiante estranxeru pue trayer a España. Aconséyase l'usu d'una tarxeta de creitu y l'apertura d'una cuenta bancaria.

P'abrir una cuenta nuna entidá bancaria allugada n'España ye preciso que l'estudiante estranxeru pida un númberu d'identificación (NIE), que se-y facilitará pidiendo la tarxeta de residencia na Oficina d'Estranxeros.

España nun ye un país caru, magar que'l costu mediu de vida camuda abondo. Ciudaes grandes como Barcelona, Madrid y Bilbao son muncho más cares que les ciudaes más pequeñes como Uviéu o Xixón.