Vivir n’Asturies

La cultura asturiana ye rica y tien fondos raigaños na historia. La ufierta cultural del Principáu inclúi ayalgues como l'arquiteutura del Arte Asturianu, les cueves d'arte rupestre paleolíticu o les icnites del Xurásicu qu'hai nos cantiles de la costa asturiana, que s'afayen ente les más importantes d'Europa.

Imagen de Santa María del Naranco Una de les ayalgues arquiteutóniques mundiales ye l'Arte Asturianu, conformáu por dellos templos que foren declaraos pola UNESCO Patrimoniu de la Humanidá. A estos monumentos amiéstase tamién la Catedral d'El Salvador n'Uviéu, posa imprescindible nel Camín de Santiago, que guarda nel so interior el tesoru de la Cámara Santa.

El patrimoniu cultural asturianu ta apináu de tradiciones arreyaes a la vida nel campu, sones musicales d'ascendencia folk y celta, y cunta con un imaxinariu bayurosu de personaxes mitolóxicos y de narraciones orales y escrites, arriendes d'una llingua propia, l'asturianu, de calter non oficial, pero sí con presencia nel sistema educativu.

Asturias es una región dinámica, que aúna una ambiciosa oferta cultural para satisfacer todas las sensibilidades. La Universidad de Oviedo juega un papel protagonista en este sentido a través de las actividades organizadas desde su Extensión Universitaria, siempre de carácter universal y gratuito para toda la sociedad asturiana.

"Cinco cueves paleolítiques con pintures rupestres y el conxuntu de monumentos del Arte Asturianu cunten cola declaración de Patrimoniu de la Humanidá pola UNESCO"

La vida cultural asturiana ufierta una completa axenda na que rescamplaríen acontecimientos internacionales como la entrega de los Premios Príncipe d'Asturies. Los teatros más importantes de la comunidá -Campoamor (Uviéu), Xovellanos (Xixón) y Palacio Valdés (Avilés)- cunten con una ambiciosa programación de teatru, conciertos, ópera y danza que se complementa cola ufierta del Centru Niemeyer, LLABoral Centru d'Arte y la cita añal del Festival Internacional de Cine de Xixón.

El llistáu de fiestes populares y tradiciones ye perampliu y dexa ver al visitante el calter allegre y cenciellu del pueblu asturianu, qu'entá caltién ritos y costumes que dacuando remanecen de sieglos pasaos.

La gastronomía

La gastronomía asturiana ye bayurosa y pertradicional. El platu más emblemáticu de la comunidá ye la fabada, acompangada pola sidra, la bébora por escelencia nel Principáu. La gastronomía de la comunidá ye rica en variedá de pexes y mariscu, carne de perbona calidá y granibles productos del campu.

L'arroz con lleche, les casadielles y los frixuelos son dalgunos de los manxares gastronómicos que se puen prebar como postre. La producción de quesos ye otru de los atractivos pal paladar con decenes de variedaes de producción artesanal.