Vivir n’Asturies

Asturies ye una de les comunidaes d'España con un meyor índiz de calidá de vida. Con poco más d'un millón d'habitantes, el Principáu d'Asturies cunta con un patrimoniu natural, históricu y cultural que faen d'ella un puntu de referencia pa visitantes de tol mundu. Ye un llugar tranquilu y algamable, que se carauteriza polo acoyedor de la so xente y por un rodiu natural privilexáu.

"Asturies ufierta al visitante un llugar tranquilu y algamable con una alta calidá de vida y un rodiu natural privilexáu"

Imagen de la catedral de Oviedo El Principáu ye una comunidá pequeña, lo que fai que se puea esfrutar fácilmente la so bayura natural, magar que'l llugar de residencia nos más de los casos seya la ciudá. Les grandes urbes allúguense nel centru de la comunidá y afáyense bien comunicaes con trayeutos que nun perpasen la media hora en coche, autobús o tren. Uviéu, Xixón y Avilés son ciudaes de grandor mediu, qu'ufierten a los sos habitantes una amplia rede de servicios públicos y una fonda ufierta d'ociu cultural. Estes tres ciudaes alcuéntrense ente les más segures d'España.

Los espectaculares recursos naturales del paisax asturianu tán mui presentes na vida diaria de los habitantes de so. El rodiu ye privilexáu pa essfrutar de les xeres al aire llibre con abondos requexos pa los aficionaos al monte o a la mar. El clima asturianu dexa, por exemplu, esfrutar de deportes tan estremaos como'l surf y l'esquí.