Una Universidá de referencia

La Universidá d’Uviéu ye una de las universidaes públiques más vieyes d’España y un referente de calidá na docencia y la investigación nos sos más de 400 años d’historia.

Imagen Una Universidad de referencia Dende l'añu 2009, la Universidá d'Uviéu cunta col cuñu de Campus d'Escelencia Internacional que la acreíta como una institución de referencia dientro de les universidaes españoles. La so ufierta de graos (51 titulaciones), másteres universitarios (49) y programes de doctoráu (38) adáutase dafechu al Espaciu Européu d'Educación Superior (EEES) y darréu d'ello ye reconocida y valorada en toa Europa.

"Investigadores de sonadía internacional desendolquen el so llabor científicu y docente nes aules de la Universidá d'Uviéu, que cada añu acueye a más de 1.000 estudiantes estranxeros"

La Universidá d'Uviéu acueye cada añu a más de 1.000 alumnos estranxeros y la so programación académica inclúi graos y másteres billingües, dobles titulaciones con prestixaes universidaes europees y americanes y seis másteres Erasmus Mundus, de los que ye universidá coordinadora en tres programes.

Investigadores de sonadía internacional n'estremaos campos desendolquen el so llabor científicu y docente na Universidá d'Uviéu. La institución académica cunta con un equipamientu teunolóxicu de vanguardia que la asitia tamién como referente anovador pal texíu empresarial d'Asturies.

La Universidá d'Uviéu ye'l motor de la investigación nel Principáu. Al rodiu del 80 por cientu de la I+D+i que se lleva darréu na comunidá xurde de los llaboratorios y de les aules de la Universidá. Arriendes d'ello la collaboración de los investigadores cola iniciativa privada foi faciéndose más fonda nos caberos años.