Cooperación al desenvolvimientu

La Universidá d'Uviéu collabora col Principáu d'Asturies y con Cáritas Asturies pa llevar alantre la realización de práutiques de cooperación en dellos países d'América Llatina y Africa.

Los estudiantes que se beneficien del programa de práutiques en proyeutos de cooperación al desendolcu cuntarán cola cobertoria de los gastos de desplazamientu y de la estancia. Amás, la Universidá d'Uviéu tramitará la reconocencia académica d'esta xera per aciu de la concesión de creitos ECTS.

Los estudiantes que participen nel programa recibirán reconocencia académica con creitos y tendrán cubiertos los gastos de desplazamientu y estancia

Los proyeutos de cooperación desendólquense en diferentes estayes como la educativa, la sanitaria o la planificación d'actuaciones polo que los perfiles académicos requeríos son estremaos.

Cáritas Asturies ocúpase d'escoyer a les ONGs que participen nel programa y qu'acoyerán a los estudiantes nos países au actúen. Arriendes d'ello, los voluntarios encárguense d'aconseyar y formar a los xóvenes enantes de la so partida.

La Universidá entama una serie d'alcuentros nos distintos campus pa que los universitarios que faen práutiques de cooperación internacional puean esponer les sos esperiencies.