Cooperación al desenvolvimientu

Programes de Cooperación Interuniversitaria ya investigación científica (AECID)

La Universidá d'Uviéu participa de la cooperación científica y d'investigación ente España y países en camín de desendolcu en Llatinoamérica, África y Asia. Los proyeutos presentaos tendrán como oxetivos les llinies tresversales de la política de cooperación española: l'inxerimientu social y llucha contra la probeza, promoción de los derechos humanos y la gobernabilidá democrática, xéneru en desendolcu, caltenibilidá ambiental y respetu a la diversidá cultural.

L'inxerimientu social, la llucha contra la probeza y la promoción de los derechos humanos son les exes de los proyeutos afalaos por AECID y la Universidá d'Uviéu

L'Axencia Española de Cooperación Internacional al Desendolcu (AECID) contribúi nes sos actuaciones al afitamientu de les instituciones académiques y científiques. Los sos proyeutos desendólquense güei en países como Arxentina, Bolivia, Brasil, Chile, Costa Rica, Colombia, Cuba, Ecuador, Guatemala, Hondures, Méxicu, Nicaragua, Panamá, Paraguái, Perú, República Dominicana, El Salvador, Uruguái, Venezuela, Haití, Angola, Cabu Verde, Etiopía, Malí, Mozambique, Níxer, Senegal, Arxelia, Exiptu, Xordania, Marruecos, Túnez y Filipines.

Toles actuaciones del programa tán diseñaes acordies coles direutrices de les Declaraciones de París y Accra.

Ayudes de la Universidá d'Uviéu pa participar en proyeutos de Cooperación al Desendolcu

La Universidá d'Uviéu convoca ayudes empobinaes a afalar la participación del PDI y PAS en proyeutos de Cooperación al Desendolcu, pente medies d'organizaciones sociales. L'oxetu de les ayudes ye afalar la participación del PDI y PAS de la Universidá d'Uviéu en proyeutos de cooperación al desendolcu que contribuyan de mou efeutivu a ameyorar les condiciones de vida y de formación de les poblaciones de los países de menor índiz de desendolcu humanu.