Cooperación al desenvolvimientu

La Responsabilidá Social Universitaria ta dafechamente venceyada al compromisu de la institución académica cola cooperación internacional. La Universidá d’Uviéu afala esti espíritu tanto ente los estudiantes como ente’l personal universitario: profesores, investigadores y trabayadores d’alministración y servicios.

Pa la Universidá d'Uviéu, la cooperación internacional al desendolcu forma parte de la so función social. Per aciu d'estremaes xeres y programes los docentes y estudiantes de la institución tienen la oportunidá de conocer de primer mano otres realidaes sociales más desfavorecíes y ayudar, na midida de les sos posibilidaes, a ameyorar la so situación o'l so rodiu.

La Universidá d'Uviéu ta comprometida cola formación de persones con espíritu críticu y concienciaes en favor d'un progresu xustu y solidariu

Les aiciones de cooperación internacional busquen una mayor xusticia social y esparder valores como la igualdá, la solidaridá y la caltenibilidá. El compromisu de la Universidá d'Uviéu con esta clas d'iniciatives queda reflexáu nel so propiu Estatutu darréu que "afalará la realización de xeres ya iniciatives que contribuyan al impulsu de la cultura, la paz y el desendolcu caltenible y al respetu al mediu ambiente, como elementos cimeros pal progresu solidariu."