Internacional

La Universidá d’Uviéu ye universidá d’escelencia na docencia y na investigación, ye una de les universidaes públiques más vieyes d’España, con más de 400 años d’historia. La institución académica asturiana afaló nos últimos años la so proyeición esterior, encontada nel Campus d’Escelencia Internacional

Imagen ventana Cada añu, la Universidá d'Uviéu acueye nes sos aules a cientos d'alumnos ya investigadores vinientes de fuera d'España y pon al so algame una rede de servicios pa facilita-yos los trámites llegales y académicos na so estancia nel país. El Vicerrectoráu d'Internacionalización y Posgráu ye l'encargáu d'abrir les llendes pa enanchar los fluxos de movilidá d'estudiantes y PDI de la Universidá d'Uviéu y tamién p'afalar la captación de talentu per aciu de nuevos alcuerdos con instituciones, organismos y universidaes d'otros países.

Afalar la movilidá internacional de profesores y estudiantes ye ún de los apuestes estratéxicos de la Universidá d'Uviéu pa cariar el sieglu XXI

Afalar la movilidá internacional de profesores y estudiantes ye ún de los apuestes estratéxicos de la Universidá d'Uviéu pa cariar el sieglu XXI. Pa ello la institución académica asturiana robló alcuerdos de collaboración con más de milenta universidaes de tol planeta y encartiyó ayudes que dexen que los sos docentes completen estancies en dalguna de les 200 meyores universidaes del mundu.

Como institución pública comprometida cola sociedá, la Universidá d'Uviéu desendolca bayura d'iniciatives solidaries. La cooperación al desendolcu ye una de les estayes d'actuación pa que los nuesos profesores y alumnos ayuden a los que más lo necesiten fuera de les nueses llendes.