Gobiernu

La estructura orgánica de la Universidá d’Uviéu compónse de muérganos colexaos y unipersonales de gobiernu, representación, conseyu y garantía. Amás de los centros, departamentos o institutos, hai unos muérganos xenerales que marquen les llinies de la organización y xestión universitaria.

Dientro de los muérganos xenerales de la universidá, el Rector ye un muérganu colexáu que tien la representación de la institución académica y que cunta col sofitu de Delegaos del Rector. Como muérganos unipersonales figuren el so equipu rectoral, que lu asesora y aconseya na toma de determinos, integráu polos Vicerrectores, Secretariu Xeneral y Xerente.

Ente los muérganos de gobiernu y representación, nos que participen tolos sectores de la comunidá universitaria, la institución cunta col Conseyu de Gobiernu, claustru universitariu y Conseyu Social, au tán representaos tanto'l Gobiernu rexonal como representantes de la sociedá asturiana. Hai otra serie de muérganos colexaos de conseyu y garantía, como'l Conseyu Rectoral y la Xunta Electoral Central. Y comisionaos pol Claustru, como ye'l casu del Defensor Universitariu, encargáu de mirar pol respetu a los derechos y llibertaes de los profesores, estudiantes y personal d'alministración y servicios.