Empresa

Carauterístiques principales d'una Cátedra d'empresa

  • La creación d'una Cátedra d'empresa formalízase per aciu de la robla d'un conveniu ente la Universidá y la empresa.
  • La direición de la cátedra recái nun especialista universitariu de sonadía y esperiencia nel ámbitu temáticu de la cátedra.
  • Establécense unes llinies de trabayu pautaes ente les prioridaes y necesidaes de la empresa y les de la Universidá.
  • Ufierta a la empresa conseyu n'anovamientu y desendolcu, al empar qu'información preferente sobro proyeutos d'investigación o tresferencia.
  • Acueye proyeutos estremaos d'investigación, formación, tresferencia de teunoloxía y conocimientu... Estos proyeutos compartíos tornen llueu tanto a la empresa como a la Universidá.
  • Ayuda a la empresa na gueta de profesionales y teunoloxíes arreyaes a les sos necesidaes.
  • Tien interllocución direuta colos muérganos direutivos del espaciu de la Universidá au heba'l venceyamientu más direutu cola xera de la cátedra (Facultá, Departamentu, Institutu Universitariu, Centru, Grupu d'Investigación,...) correspondiente.
  • Promoción de la empresa: presencia en publicaciones, web, señalización de la cátedra nel llugar o llugares afayadizos de la Universidá d'Uviéu, conexones institucionales...
  • Pue cuntar d'incentivos fiscales.

Direición y estructura

Direutor de la Cátedra: sedrá un profesor con venceyamientu permanente a la Universidá d'Uviéu, pautáu cola empresa o institución, y que tendrá un perfil de prestixu profesional, téunicu o científicu reconocíu nel ámbitu de la cátedra. Acordies cola empresa, propondrá añalmente'l programa de xeres de la cátedra.

La Cátedra podrá tener personal téunico y alministrativo acordies coles disponibilidaes económiques de la mesma y les funciones a desendolcar. El direutor de la Cátedra sedrá'l responsable de la so xestión económica.

Xeres que se puen desendolcar nel ámbitu de la Cátedra d'empresa

Xeres de formación

  • Beques predoctorales y posdoctorales
  • Premios al meyor espediente académicu, trabayos fin de grau, trabayos fin de máster o a tesis doctorales
  • Conferencies
  • Collaboración nos planes de formación de la empresa/institución
  • Collaboración na programación y docencia de másteres universitarios

Xeres d'investigación

  • Desendolcu de llinies d'investigación conxunta
  • Realización de trabayos d'investigación
  • Realización de tesis doctorales a comuña cola empresa
  • Promoción d'alcuentros nacionales ya internacionales d'espertos sobro temes de interés
  • Cooperación pa llograr proyeutos d'investigación nos ámbitos de la comunidá o nel ámbitu estatal y européu o internacional

Xeres de tresferencia y espardimientu

  • Fechura de trabayos de tresferencia de resultaos de la investigación
  • Fechura de xornaes d'espardimientu téunicu y teunolóxicu
  • Collaboración na promoción d'acontecimientos téunicos y científicos
  • Afalaminetu de la fechura de publicaciones sobro temes d'interés
  • Collaboración pa la fechura de patentes sobro temes d'interés

Llargor del conveniu

El llargor d'estos convenios ye, davezu, de 2 años que puen allargase añalmente per alcuerdu mutuu de les partes.

Financiamientu

L'aportación económica que la empresa o institución patrocinadora fai añalmente ye de cuantía variable. Nel conveniu establezse'l mou nel que se fadrán les aportaciones per parte de la empresa o institución a la Cátedra.

Cátedres d'empresa de la Universidá d'Uviéu

Enllaces