Empresa

La Universidá d’Uviéu desendolca’l 80% de la I+D+i rexonal y tien más de 460 proyeutos d’investigación, contratos y convenios de collaboración con empreses. La collaboración ente la institución académica y la empresa tamién s’espeya na docencia, de mou especial nos másteres universitarios.

La tresferencia de conocencia ye unu de los oxetivos principales de la Universidá d'Uviéu y nos que ta faciendo un mayor esfuerzu nos últimos años. La collaboración cola empresa aumentó, especialmente al traviés del Campus d'Excelencia Internacional. La Universidá d'Uviéu ufierta tamién instalaciones y equipamientos piqueros dientro de los sos servicios científicu-técnicos

Los contratos y convenios cola empresa son una de les víes más frecuentes de collaboración. La institución académica asturiana cuenta con una plantiya de personal docente ya investigador (PDI) de más de 2.000 persones, y unos 350 mozos investigadores que trabayen en grupos d'investigación al traviés de distintes convocatories y programes. Amás de los recursos humanos, la Universidá d'Uviéu ufierta tamién instalaciones y equipamientos piqueros dientro de los sos servicios científicu-técnicos.

Les cátedres d'empresa son un bon elementu de collaboración. Trátase d'una unión estratéxico y duradero, pola que dambes partes beneficiense de les resultancies llograes nos ámbitos de la formación, la creación cultural y artístico, la investigación, el desenvolvimientu, la innovación y l'espardimientu de conocencies.

Les empreses tienen tamién la oportunidá de participar n'acciones de patrociniu y mecenalgu, con reconocencia pública y beneficios fiscales. Nel marcu del Campus d'Excelencia Internacional, munches de les empreses que formen parte del Agregamientu Estratéxicu participaron en programes de captación de talentu y fomentu de la excelencia académica por aciu de beques de movilidá y tamién ayudes a la matrícula en másteres universitarios.

Nos cursos de posgráu, les empreses empezaron tamién a collaborar en docencia, por aciu de cotutela de trabayos de fin de máster y ufierta de práctiques a los alumnos.