Gobiernu y Servicios

La estructura orgánica de la Universidá d’Uviéu compónse de muérganos colexaos y unipersonales de gobiernu, representación, conseyu y garantía. Toos ellos miren pol correutu funcionamientu de los servicios universitarios.

Los estatutos de la Universidá d'Uviéu afiten claramente los muérganos que componen la estructura universitaria, la so función y su composición.

Son muérganos xenerales de la Universidá

  1. Colexaos: el Conseyo Social, el Claustru, el Conseyu de Gobiernu, el Conseyu rectoral, la Comisión de reclamaciones y la xunta electoral Central.
  2. Unipersonales: Rector, los Vicerrectores, el Secretariu Xeneral, el Xerente, el Defensor Universitariu, los direutores d'Estaya, los Vicesecretarios Xenerales, los Vicexerentes y los Delegaos del Rector.

Nel casu de los centros, departamentos ya institutos universitarios, cunten tamién con muérganos colexaos como les xuntes de facultá o escuela, los conseyos de departamentu ya institutu y les xuntes electorales, amás de los muérganos unipersonales, como decanos y direutores de centru o departamentu, vicedecanos, sodirectores y secretarios.

El correutu funcionamientu de los muérganos de gobiernu garantiza'l cumplimientu de la misión de la universidá y la tresparencia en tolos servicios de la institución académica asturiana.

La Universidá d'Uviéu tien un bayurosu catálogu de servicios, tanto pa la propia comunidá universitaria como pa la sociedá y pa les empreses.