Trabayos Fin de Máster

El Trabayu Fin de Máster ye’l remate del máster universitariu y permite evaluar los conocimientos algamaos pol alumnu.

El Trabayu Fin de Máster (TFM) ye un proyeutu, memoria o estudiu nel que l'alumnu aplica y desendolca conocimientos algamaos nel máster. Esta prueba permite evaluar los conocimientos y capacidaes, atendiendo al calter especializáu o multidisciplinar de cada máster y el so empobinamientu a los ámbitos académicu, profesional o investigador.

A cada TFM asígnase-y un tutor qu'afita les especificaciones del trabayu y empobina al alumnu a lo llargo de la so realización, pa garantizar que s'algamen los oxetivos afitaos y autorizar la so presentación.

La defensa del TFM fáenla los estudiantes de manera pública y presencial, per aciu de la esposición oral del so conteníu o llinies principales y respondiendo a les entrugues que faigan los miembros del tribunal d'evaluación.