Programa Tándem

L'aprendizaxe de llingües en Tándem plantega que dos falantes de distintes llingües maternes collaboren p'ameyorar les conocencies de les respectives llingües y cultures: saber más sobre la otra persona, el so idioma y la so redolada. Nel programa Tándem pueden participar de forma gratuita toles persones venceyaes cola Universidá d'Uviéu: estudiantes, profesores, alumnos de La Casa de les Llingües, PAS, etc.

Los comenenciudos en participar nesta modalidá de formación d'idiomes solu han de rellenar el formulariu d'inscripción. El Programa Tándem cunta con asesores llingüísticos en cada idioma que son les encargaos de realizar les pareyes y de sofitar y emponer a los estudiantes nel so aprendizaxe.

Pa llograr una certificación oficial de la participación nel programa Tándem l'alumnu comenenciudu hai de practicar les llingües implicaes mientres un mínimu de 30 hores (15 hores en cada idioma). Va Tener, amás, qu'ellaborar un diariu nel que s'afigure lo aprendío cola pareya en cada sesión y allegar una vegada al mes a una sesión de tutoría cola so asesora llingüística. Finalmente, va tener que presentar un curtiu informe sobre la so esperiencia nel programa. La participación nel programa Tándem va otorgar puntos extra a aquellos alumnos qu'opten a una beca Erasmus de movilidá Internacional.