Cursos d'español pa estranxeros

Arriendes del conocimientu del español per aciu de métodos de deprendizax participativos, los cursos de La Casa de les Llingües pa estranxeros faen vidable tener una visión más completa de la realidá pluricultural española ya hispanoamericana.

Arriendes del conocimientu del español per aciu de métodos de deprendizax participativos, los cursos de La Casa de les Llingües pa estranxeros faen vidable tener una visión más completa de la realidá pluricultural española ya hispanoamericana.

Imagen de estudiantes Los Cursos de Llingua y Cultura Españoles pa Estranxeros foron desendolcando, dende 1978, una ufierta académica que dexa afondar nel deprendizax del español y esfrutar de tolo que tien qu'ufrir el Principáu d'Asturies. Los cursos d'español cunten con profesoráu especializao y carauterícense por una atención personalizada y pola flexibilidá qu'esixe esta clas d'enseñanza.

Llargor, horariu y niveles

La Casa de les Llingües entama ocho clases diferentes de cursos d'estremáu llargor:

  • Español inicial
  • Llingua y Cultura españoles
  • Intensivu d'Español pa estudiantes d'Intercambiu Universitariu (Programes Erasmus, Sócrates, Tempus...)
  • Cursos Intensivos de Branu
  • Cursu de Preparación de los exámenes del Diploma d'Español como Llingua Estranxera (DELE)
  • Cursos d'español pa fines específicos

Nos Cursos de Llingua y Cultura españoles los estudiantes podrán escoyer cinco materies ente una ufierta de nueve asignatures, impartíes por especialistes, con unos conteníos que s'encartiyen al rodiu de temes como Gramática nel contestu comunicativu, Vocabulariu, Correición fonética, Lliteratura española, Lliteratura y cultura hispanoamericana, Historia y Arte español. Les clases desendólquense n'horariu de mañana, de llunes a vienres.

Ufiértense niveles perestremaos, qu'en cada cursu han afayase a les necesidaes concretes del nivel de competencia que los estudiantes amuesen nes pruebes clasificatories:

  • Cursu de seronda (ochobre-avientu): 5 niveles idiomáticos: Intermediu I (A2), II (B1), III (B2). Avanzáu I (C1) y II (C1.1)
  • Cursu de primavera (xineru-mayu): 5 niveles idiomáticos: Intermediu I (A2), Intermediu II (B1), Avanzáu I (B2.1), Avanzáu II (C1) y Avanzáu III (C1.1)
  • Cursu intensivu de mayu - xunu: 3 niveles
  • Cursu intensivu de xunetu: 8 niveles
  • Cursu de xunetu d'Herencia Hispana. C1 y C2
  • Cursu intensivu d'agostu: 5 niveles

Profesoráu

Los cursos d'español pa estranxeros cunten con una plantiya de profesores con una amplia experiencia y formación específica na enseñanza de llingua y cultura a estudiantes estranxeros. Tamién collaboren davezu profesores doctores de la Universidá d'Uviéu especialistes en materies como Llingua Española, Lliteratura, Traducción Inglés-Español, Francés-Español, Alemán-Español ya Historia d'España.

Metodoloxía

El deprendizax afítase na práutica sistematizada y afayadiza de les cuatro destreces (comprensión y espresión oral y escrita). Amás, los Cursos ufierten clases de Lliteratura española, Lliteratura hispanoamericana, Historia, Arte, Español de los negocios y Cine, que dexen a los estudiantes tener una visión más completa de la realidá pluricultural española ya hispanoamericana.

Diplomas y certificados

  • En toles asignatures aplicaráse un sistema d'evaluación continuada, y a lo cabero del cursu fadráse una prueba idiomática. Los alumnos que la superen recibirán un Certificáu oficial llibráu pola Universidá d'Uviéu, nel que s'acreiten toles materies cursaes, el númberu d'hores y la calificación llograda.
  • En casu de nun se presentar a la prueba final, los alumnos recibirán un Diploma d'asistencia y participación nel cursu.

Enllaces d'interés