Cursos de capacitación lingüística

La oferta formativa en idiomas de la Universidad de Oviedo dispone de programas de aprendizaje de lenguas en tándem, cursos intensivos y específicos para la comunidad universitaria y pruebas oficiales de idiomas abiertas a toda la sociedad.

La ufierta formativa n'idiomes de la Universidá d'Uviéu tien programes de deprendizax de llingües en tándem, cursos intensivos y específicos pa la comunidá universitaria y pruebes oficiales d'idiomes abiertes a tola sociedá

El Personal Docente ya Investigador y el Personal d'Alministración y Servicios de la Universidá d'Uviéu dispón de cursos específicos de formación llingüística pa enanchar y meyorar el so conocimientu d'un idioma. Munchos d'estos cursos cunten con financiamientu del Campus d'Escelencia Internacional. Nel casu del profesoráu, ufiértense cursos de capacitación llingüística empobinaos a acreitar el so dominiu del inglés pa impartir docencia en graos billingües.

La Casa de les Llingües ufierta tamién cursos específicos pa organismos oficiales, empreses o instituciones culturales, y collabora con talleres d'idiomes nel programa pa mayores (PUMUU), amás de la ufierta de cursos intensivos de branu pa la comunidá universitaria en xeneral, y programes específicos de deprendizax de llingües en tándem, n'inglés, francés, italianu y alemán.

Una de les apuestes de los últimos años foi reforciar la collaboración con instituciones estranxeres pa convertinos en centru esaminador oficial de distintos idiomes: d'alemán del Goethe Institute, en diferentes modalidaes; inglés IELTS, col British Council y la Universidá de Cambridge; francés DELF y DALF, xestionaos pola Alianza Francesa; y diplomes PLIDA d'italianu, xestionaos pola Dante Alighieri.