template-browser-not-supported

Formación n'idiomes

Formación n'idiomes

Los distintos cursos d'idiomes favorecen la educación integral de los alumnos y la internacionalización de la Universidá d'Uviéu, con cursos d'español pa estranxeros y programes de capacitación llingüística pa los docentes.

La Casa de les Llingües imparte la enseñanza instrumental non reglada d'idiomes na Universidá Uviéu y empresta asina sofitu a los sos oxetivos de internacionalización. La so ufierta inclúi cursos d'una quincena de llingües, asina como cursos d'español pa estranxeros y cursos de capacitación llingüística pa los profesores universitarios. Los idiomes impartíos son los siguientes: alemán, árabe, asturianu, catalán, chinu, francés, griegu modernu, hebréu, inglés, italianu, xaponés, llingua de signos española, portugués, rusu y ucranianu.

La formación n'idiomes inclúi tamién una amplia ufierta que s'adapta a les necesidaes de los universitarios y de la sociedá en xeneral. Amás de los cursos xenerales de llingües, la Universidá d'Uviéu tien un programa curiosu de cursos d'español para estranxeros, que cada añu avera a Asturies cerca d’un millar de mozos procedentes de distintos países.

Los cursos intensivos, destinaos tanto al personal docente como alministrativu de la universidá, y los que s'ufierten pa instituciones esternes y los talleres pa PUMUO refuercen la ufierta formativa. Amás, la Casa de les Llingües ye un centru acreditáu pa les pruebes oficiales d'inglés IELTS, francés DELF-DALF, alemán Goethe ya italianu PLIDA.

La Casa de les Llingües

La Casa de les Llingües ye un centru dedicáu a la enseñanza non reglada d'idiomes, asina como al sofitu a la investigación y a la internacionalización de la Universidá d'Uviéu. La so sección d'Español pa Estranxeros recibe a más d'un millar d'estudiantes internacionales cada añu.

Allugada nel Campus d'Humanidaes, n'Uviéu y concebida como una estructura tresversal ente facultaes y escueles, La Casa de les Llingües satisfái una amplia demanda social en cuestiones rellacionaes col aprendizaxe d'otres llingües, ufierta servicios de traducción, amás d'asesoramientu llingüísticu y cursos especializaos d'idiomes pa instituciones y empreses.

Ente los distintos cursos y actividaes realizaes destaquen:

  • Cursos d'español pa estranxeros: llingua y cultura españoles, cursos intensivos p’alumnos d'intercambiu, organización d'actividaes culturales, etc.
  • Cursos xenerales de llingües: alemán, árabe, asturianu, catalán, chinu, francés, griegu modernu, hebréu, inglés, italianu, xaponés, llingua de signos española, portugués, rusu y ucranianu.
  • Actividaes llingüístiques d'alcuerdos internacionales: pruebes d'idioma Erasmus, programa tándem, pruebes oficiales d'alemán TestDaf, italianu PLIDA, portugués CAPLE, francés DELF-DALF y pruebes oficiales d'inglés IELTS.
  • Cursos intensivos de llingües pal personal docente ya investigador, personal d'alministración y servicios ya instituciones esternes.
  • Nun futuru: servicios de traducción y d'asesoramientu llingüísticu.

Na so sede principal dispón d'un Club de les Llingües que sirve de centru de xuntes pal alumnáu, sala de llectura de prensa nacional y estranxera y de local pa sesiones de cine, cursos per ordenador, charres y talleres.

  • Corréu electrónicu: clenguas@uniovi.es
  • Dirección: Campus d’El Milán, C/ Amparo Pedregal, Uviéu, 33011
  • Teléfonu: +34 985 10 96 64, + 34 985 10 96 66
  • Fax: +34 985 10 96 65
  • Web: http://lacasadelaslenguas.uniovi.es/