Sobre los graos

Los estudios de Grau ufierten a los alumnos formación académica arreyada a una determinada estaya de conocimientu, que los prepara pal futuru desendolcu de la so actividá profesional.

Nos más de los casos, son estudios de 240 creitos, dixebraos en cuatro cursos de 60 creitos, sacante los estudios de Medicina, que tienen un llargor de seis años académicos (360 creitos), y los d'Odontoloxía (5 años / 300 creitos ECTS). Trátase de títulos adautaos al Sistema Européu de Tresferencia de Creitos (ECTS), y que s'encartiyen acordies col Real Decretu 1393/2007, de 29 d'ochobre.

La Universidá ufierta 51 graos adautaos al EEES en toles estayes de conocimientu

En cuantes a los conteníos, de los 60 creitos de cada cursu pelo menos 36 tán rellacionaos cola estaya de conocimientu a la que pertenez el títulu, y concrétense n'asignatures de 6 o más creitos. Los estudiantes puen llograr reconocencia de, pelo menos, 6 creitos pola participación en xeres universitaries culturales, deportives, de representación estudiantil, solidaries y de cooperación.

En casu de programase práutiques esternes, éstes tienen un llargor máximu de 60 creitos y desendólquense preferentemente na segunda metá. Al respeutive del Trabayu de Fin de Grau, empobináu a la evaluación de competencies arreyaes al títulu, tien ente 6 y 30 creitos y faise na fas cabera de los estudios.