template-browser-not-supported

Grados bilingües

Graos billingües

La Universidá d'Uviéu impulsó la incorporación de docencia n'inglés en distintos graos, qu'enancha non solo la capacitación llingüística de los nuesos titulaos sinón les sos posibilidaes d'acceder al mercáu llaboral, tanto nacional como internacional.

Los itinerarios billingües ufierten a los universitarios la oportunidá d'estudiar n'inglés parte importante de les asignatures de les sos titulaciones y/o realizar una movilidá a una universidá estranxera onde puedan siguir el so aprendizaxe nesti idioma.

Diecinueve títulos de grau ufierten asignatures n'inglés impartíes por profesores acreditaos pa la so docencia. Los estudiantes disponen tamién de cursos de refuerzu pa facilitar la so incorporación a estos itinerarios billingües.

Característiques de los itinerarios billingües

Esisten dos modalidaes p’algamar el Certificáu d'Itinerariu Billingüe:

  1. Posibilidá de completar lo menos 120 ECTS n'asignatures n'inglés impartíes dafechu na mesma institución, partíos a lo llargo de los cuatro cursos. Inclúise la presentación y defensa del trabayu fin de grau n'inglés y, nel so casu, la realización de práctiques esternes. Si, amás, se realiza una estancia nuna universidá estranxera qu'imparta enseñanza n'inglés, y que firmara un conveniu de collaboración cola Universidá d'Uviéu, van amestáse-y los créditos ECTS cursaos nella, anque dicha estancia nun va ser imprescindible pal llogru del Certificáu d'Itinerariu Billingüe.
  2. Posibilidá de completar, lo menos, 60 creditos ECTS n'asignatures n'inglés impartíes dafechu na mesma institución, incluyendo la presentación y defensa del trabayu fin de grau n'inglés y, nel so casu, la realización de práctiques esternes, mientres los cuatro años de los sos estudios. Pa llograr la titulación billingüe nestes titulaciones ye imprescindible algamar la cifra total de 120 creditos ECTS n'asignatures n'inglés, gracies a estancies internacionales (d'estudios o práctiques) nun centru que tenga conveniu de movilidá cola Universidá d'Uviéu o bien n'otra universidá española cursando, igualmente, asignatures n'inglés nel marcu del programa de movilidá SICUE.

A los estudiantes que superen cualesquier de les dos modalidaes, va otorgáse-yos un certificáu de realizar l'itinerariu billingüe nel grau escoyíu y va incorporase’l suplementu européu al títulu.

En tou casu, aquellos estudiantes que cursen dalguna de les asignatures, pero nun completen l'itinerariu billingüe na so totalidá, van ver reconocíos los créditos superaos n'inglés, les práctiques realizaes nel estranxeru o les sos movilidaes académiques nel Suplementu Européu al Títulu.

Graos billingües

  • Modalidá 1: Cursáu na so totalidá na Universidá d’Uviéu
    • Grau n'Alministración y Dirección d'Empreses (Facultá d'Economía y Empresa) (Asignatures n'Inglés)
    • Grau d'Economía (Facultá d'Economía y Empresa) (Asignatures n'Inglés)
    • Grau n'Inxeniería Mecánica (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería Eléctrica (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería Electrónica Industrial y Automática (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería d'Organización Industrial (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería Química Industrial (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería de Tecnoloxíes Industriales (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería en Tecnoloxíes y Servicios de Telecomunicación (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería Informática en Tecnoloxíes de la Información (Escuela Politécnica d'Inxeniería de Xixón) (Asignatures n'Inglés)
    • Grau n'Inxeniería Informática del Software (Escuela d'Inxeniería Informática d'Uviéu) (Asignatures n'Inglés)
    • Grau en Maestru n'Educación Primaria (Facultá de Formación del Profesoráu y Educación) (Asignatures n'Inglés)
    • Grau en Química (Facultá de Química) (Asignatures n'Inglés)
  • Modalidá 2: Completáu por aciu d’una estancia Programa Erasmus / Erasmus Práctiques n'universidaes o instituciones estranxeres que firmaren un conveniu de movilidá cola Universidá d'Uviéu y na que se cursen asignatures n'inglés, o bien n'otra universidá española cursando igualmente asignatures n'inglés nel marcu del programa de movilidá SICUE.
    • Grau en Comerciu y Marketing (Facultá de Comerciu, Turismu y Ciencies Sociales Xovellanos de Xixón) (Asignatures n'Inglés)
    • Grau en Contabilidá y Finances (Facultá d'Economía y Empresa) (Asignatures n'Inglés)
    • Grau n'Inxeniería Civil (Escuela Politécnica de Mieres) (Asignatures n'Inglés)*
    • Grau n'Inxeniería Forestal y del Mediu Natural (Escuela Politécnica de Mieres) (Asignatures n'Inglés) **
    • Grau n'Inxeniería de los Recursos Mineros y Enerxéticos (Escuela Politécnica de Mieres) (Asignatures n'Inglés) *
    • Grau en Turismu (Facultá de Comerciu, Turismu y Ciencies Sociales "Xovellanos" de Xixón) (Asignatures n'Inglés)

* Los alumnos matriculaos na PCEO pueden realizar l'itinerariu billingüe pa ún de los dos graos

** 2º añu d'implantación 2023-2024

Matrícula

Pa acceder a los itinerarios n'inglés, los candidatos necesiten lo menos una nota de 7 (Notable) n'Idioma Inglés nes Pruebes d'Accesu a la Universidá (EBAU/PAU) o acreditar un nivel B1 d'Inglés. Los qu'acceden per otra vía van tener qu'acreditar un nivel B1 d'inglés.

La selección va realizase en función de la nota d'accesu (si los estudios nun tienen llende de places) o almisión (si los estudios tienen llende de places). En casu de que queden vacantes, otros estudiantes van poder escoyer tamién delles asignatures del itinerariu n'inglés, anque nun quieran completalo. Igualmente, van ser escoyíos en función de la nota d'accesu o almisión a los estudios correspondientes.

Aquellos estudiantes de nuevu ingresu qu'escueyan un itinerariu billingüe y consideren qu'el so nivel de llingua inglesa nun ye l’afayadizu pal siguimientu de la docencia o pa realizar les pruebes d'evaluación, van tener la opción de camudase a los grupos con docencia n'español los 15 primeros díes de cada semestre.

Cursos de refuerzu

Los cursos de refuerzu de la universidá tienen como oxetivu que los estudiantes puedan siguir con aprovechamientu les clases impartíes en llingua inglesa na titulación billingüe. Estos cursos aborden conteníos léxicu-semánticos, sintácticos, pragmáticos y fonolóxicos correspondientes al nivel B1 d'inglés. En cada casu, va facese especial énfasis na terminoloxía propia de les disciplines que depués vayan cursar.

Profesores acreditaos

Estos itinerarios tán impartíos por profesoráu acreditao pa poner docencia n'inglés.

Documentos rellacionados