Cursos d’Estensión Universitaria

La Universidá d'Uviéu, pionera de la Estensión Universitaria n'España, entama cursos a lo llargo de tol añu académicu, fundamentalmente nos sos estremaos llares d'Uviéu, Xixón, Mieres y Avilés. Los temes de dichos cursos abarquen toles estayes de conocimientu y pueden convalidase por créitos de llibre configuración nes enseñances non anovaes y ECTS nos graos y másteres universitarios adautaos al Espaciu Européu d'Educación Superior.

Arriendes de los cursos que se'ufierten en dos cuatrimestres, la institución académica asturiana caltién una programación de branu na que pue participar tola sociedá, con un ampliu y estremáu catálogu qu'incide sobre manera en temátiques sociales venceyaes cola actualidá. Estos cursos y talleres tienen tamién como misión averar y esparder el conocimientu per tola xeografía asturiana.