Estudios d’Estensión Universitaria

La Universidá d’Uviéu entama aules, cursos d’estensión universitaria y programes de branu que contribúin a completar la formación de los sos estudiantes y de la sociedá asturiana en xeneral, y que na so mayor parte puen convalidase por ECTS (enseñances anovaes) o creitos de llibre configuración (n’enseñances non adautaes al Espaciu Européu d’Educación Superior)

La Estensión Universitaria ye una de les xeres más afitaes na Universidá d'Uviéu, que foi la so entamadora n'España en 1898. Trátase d'una contribución al desendolcu social, cultural y económicu d'Asturies pente medies del espardimientu de la Ciencia, la Cultura y l'Arte, y faise per aciu de cursos, conferencies y toa mena d'actividaes culturales y formatives, con medios propios o en collaboración con entidaes públiques o privaes.

Como norma xeneral, estos cursos y xeres son d'accesu llibre. Nos casos nos qu'asina tea previsto, l'asistencia y participación ye susceptible de reconocencia de creitos ECTS (n'enseñances anovaes) o creitos de llibre configuración (enseñances non adautaes al EEES). La ufierta inclúi aules d'estensión universitaria, de conteníu estremáu y actual, cursos d'actualización profesional, cursos d'estensión universitaria que s'ufierten en tolos campus d'Uviéu, Xixón y Mieres y xornaes sobro estremaes temátiques.