Sobre los programes de doctoráu

El títulu de doctor, que representa’l nivel cimeru na educación superior, acreíta’l más altu rangu académicu y faculta pa la docencia y la investigación, acordies cola llexislación vixente.

 Los estudios de doctoráu correspuenden al tercer ciclu d'enseñanza universitaria y tienen como principal finalidá la formación avanzada nes técniques d'investigación, magar, a lo llargo de los estudios tamién se deben realizar un conxuntu d'actividaes específiques y complementaries que-yos dexen adquirir les habilidaes y competencies necesaries pa llograr el títulu de Doctor.

Los estudios de doctoráu, a tiempu completu, van tener una duración máxima de tres año, cuntaos dende l'almisión del doctorandu al Programa hasta la presentación de la tesis doctoral. Pa los doctorandos matriculaos a tiempu parcial, tales estudios van poder tener una duración máxima de cinco año. Sicasí, nel casu de los primeres, la Comisión Académica del programa va poder autorizar la prórroga d'esti plazu per un añu más, qu'escepcionalmente podría ampliase per otru añu adicional, nes condiciones que s'establecieren nel correspondiente Programa de Doctoráu. Nel casu d'estudios a tiempu parcial la prórroga va poder autorizase por dos años más que, coles mesmes, escepcionalmente, va poder ampliase per otru añu adicional.

Nel cursu 2015-2016 La Universidá d'Uviéu ufierta 25 programes de doctoráu regulaos por RD 99/2011 correspondientes a toles cañes de conocencia.

La superación d'estes enseñances va dar derechu al títulu de Doctor o Doctora, que representa'l nivel más eleváu na educación cimera, acredita'l más altu rangu académicu y faculta pa la docencia y l'investigación, acordies con la lexislación vixente.

La solicitú d'almisión a los programes de doctoráu va tener llugar ente'l 1 al 15 de xunu de 2016 y pallo ye importante consultar les condiciones d'accesu y almisión de cada programa.

Datos de contautu

Dirección
Edificiu Históricu. Plaza de Riego s/n 33003 - Uviéu
Tfnu.
985 10 40 76
Fax
985 10 49 59
Correo Electrónico
infodoctorado@uniovi.es

Desarrollo de los estudios

Imagen Desarrollo de los estudios

Asignación del direutor

Nos tres meses llueu de l'almisión y formalización de la primer matrícula de tutela académica, la Comisión Académica del Programa de Doctoráu tien d'asignar al doctorandu un direutor d'ente los profesores del programa. El direutor ye l'investigador que dirixe al doctorandu a lo llargo de la fechura de la tesis doctoral, teniendo amás que facilita-y l'accesu a los medios necesarios pa llevar alantre'l so trabayu, mirar pola difusión de los sos resultaos y potenciar les estancies del doctorandu n'otres universidaes.

Presentación del Plan d' Investigación y Compromisu Documental de Supervisión

Nos seis meses llueu de l'almisión y formalización de la primer matrícula de tutela académica, y yá col direutor asignáu, el doctorandu ha presentar a la Comisión Académica del Programa de Doctoráu un Plan d'Investigación. Esti Plan d'Investigación contendrá, pelo menos, el títulu de la Tesis Doctoral, los oxetivos xenerales de la mesma, y les hipótesis y el plan de trabayu.

El Plan d'Investigación que tien de tar afitáu pol direutor y el tutor, amás, ha cuntar col preste del departamentu al que pertenez el direutor, au se llevará alantre.

Si la Comisión Académica del Programa de Doctoráu aprueba esti plan d'investigación, el doctorandu, xunto col direutor, el tutor y el vicerrector con competencies en doctoráu, roblará un Compromisu Documental de Supervisión, au se recueye'l compromisu de toos ellos pal desendolcu de la tesis doctoral.

Siguimientu del Plan d'Investigación

El Plan d'Investigación sedrá oxetu de siguimientu añal. Pa ello, la Comisión Académica del Programa de Doctoráu entamará una sesión d'evaluación del desendolcu del mesmu nes feches que se conseñene dende'l Centru Internacional de Posgráu. El doctorandu habrá esponer énte una comisión de siguimientu'l trabayu fechu nel cursu correspondiente. Esta comisión, llueu oyíu'l direutor de la tesis, emitirá un informe cola valoración del trabayu fechu, pudiendo encamentar al doctorandu actividaes de formación complementaries.

En casu d'evaluación negativa, el doctorandu tendrá que ser evaluáu otra vuelta nel plazu de seis meses. Dos evaluaciones negatives consecutives supondrán la baxa del doctorandu nel programa.

Anovamientu de matrícula de tutela académica

La matrícula de tutela académica tien que s'anovar cada cursu académicu nel Centru Internacional de Posgráu, hasta la presentación de la tesis doctoral.

Incidencies

Cambéu de tutor o direutor

Si apuerten razones xustificaes, l'estudiante pue solicitar a la Comisión Académica del Programa de Doctoráu'l cambéu del tutor o del direutor que tenga asignáu. La Comisión resolverá n'oyendo toles partes.

Cambéu de programa de doctoráu

El doctorando podrá en cualquier momento del periodo de investigación solicitar el cambio del Programa de Doctorado en el que está matriculado. Para ello, deberá dirigirse a la Comisión de Doctorado, quien resolverá una vez oídas las comisiones académicas de los programas implicados.

Solicitú de baxa temporal

El doctorandu podrá solicitar la so baxa temporal nun Programa de Doctoráu ún o dellos cursos académicos, pa lo que s'empobinará a la Comisión Académica correspondiente esplicando les razones de la so solicitú. En casu de que s'aceute la solicitú, nun sedrá necesario que se matricule nel periodu de baxa.