Formación tresversal de doctoráu

La Universidá d’Uviéu ellaboró un programa de formación tresversal de doctoráu que tien como oxetivu ufiertar al doctorandu una formación complementaria a la so actividá como investigador.

Imagen de estudiantes Col envís d'atender a los oxetivos conseñaos na normativa sobro estudios de doctoráu (Real Decretu 99/2011) diseñóse un programa de formación tresversal que per aciu de cursos, seminarios y xornaes ufierta a los nuesos doctorandos los preseos de sofitu que-yos faciliten la comunicación y espardimientu del so saber ente la comunidá académica y profesional, y que-yos permíte afalar, nestos contestos, l'avance teunolóxicu, social o cultural.

El programa de formación tresversal de doctoráu ta empobináu a los doctorandos de la Universidá d'Uviéu y del restu de les universidaes españoles que quieran una formación complementaria a la xera investigadora que desendolca nesti ciclu académicu.

Carauterístiques del Programa de Formación Tresversal de Doctoráu

El programa de formación tresversal de doctoráu tien como finalidá ufiertar al doctorando una formación complementaria a la so actividá como investigador. Estes actividaes, recoyíes nel RD 99/201 d'Estudios de Doctoráu, tienen de cursase a lo llargo de los estudios de doctoráu hasta realizar un mínimu de 60 hores.

El programa de formación tresversal qu'ellaboró'l Centru Internacional de Posgráu entiende les Xornaes Doctorales, según diversos cursos de 20 hores cada unu a celebrar nel segundu semestre del cursu.

Mas información: