Serviciu de medios audiovisuales

La Universidá d’Uviéu cunta con completos equipamientos y profesionales cualificaos en materia audiovisual. El so Serviciu de Medios Audiovisuales fai trabayos institucionales, emisiones en streaming, producción de vídeos de sofitu a la docencia ya investigación y asistencia téunica a actos, tanto pa la comunidá universitaria como pal esterior, llueu d’abonar de les tarifes vixentes.

El Serviciu de Medios Audiovisuales, venceyáu al Vicerrectoráu d'Estensión Universitaria y Comunicación, ye la productora audiovisual de la Universidá d'Uviéu y la so editora y distribuidora videográfica. Nesti sen, ye'l muérganu encargáu de xestionar los derechos de Propiedá Intelectual y d'Imaxe de les producciones audiovisuales de la Universidá d'Uviéu.

La ellaboración de materiales audiovisuales, lo mesmo que la realización-producción, edición y distribución de documentales d'espardimientu cultural y científica, vídeos promocionales o atención a les necesidaes audiovisuales de la comunidá académica son dalgunes de les sos funciones.

El Serviciu forma parte de la Oficina de Comunicación y ufierta un sofitu imprescindible pal espardimientu del llabor de la Universidá d'Uviéu. Amás d'encargase de la realización de semeyes, tanto p'actos institucionales como pal archivu de la institución, el Serviciu tamién contribúi al espardimientu de la ciencia y la cultura per aciu de la producción de vídeos de promoción y emisión en streaming de conferencies y determinaos actos institucionales.

Serviciu de Audiovisuales

Señes
C/Teniente Alfonso Martínez, s/n, 33011 Uviéu(Asturies)
Teléfonu
985 10 46 95
Fax
985 10 46 96
Correu Eleutrónicu
audiovisuales@uniovi.es