Comunicación

La comunicación corporativa constitúi ún de los preseos principales pa la proyeición social de la Universidá d'Uviéu, la institución cunta con un Plan Estratéxicu de Comunicación qu'afita los criterios y actuaciones principales pa desendolcar una estratexa de comunicación global y coordinada.

Per aciu de la Oficina de Comunicación empobínense toles aiciones de comunicación esterna ya interna de la universidá. Preseos como'l Diariu de la Universidá d'Uviéu (dUU), el Resume de medios multimedia o'l Manual d'Imaxe Corporativa faen que la comunidá universitaria tea informada amañosamente y la imaxe de marca de la Universidá s'enconte en toles apaiciones públiques de la institución.

La institución cunta con un Plan Estratéxicu de Comunicación qu'establez los criterios y actuaciones principales pa desendolcar una estratexa de comunicación global y coordinada

Tresmitir a la sociedá'l trabayu que desendolquen los investigadores de la Universidá ye otra de les prioridaes de la política de comunicación, qu'afaló iniciatives como la Guía d'Espertos de la Universidá d'Uviéu y fixo vidable l'inxerimientu en plataformes internacionales d'espardimientu científicu como puen ser AlphaGalileo, l'Axencia SINC o EurekAlert!

La promoción de la marca de la Universidá d'Uviéu nel ámbitu internacional ye clave pal futuru de la institución. Los servicios audiovisuales dan cobertoria téunica a los actos institucionales y otres actividaes, y encárguense tamién de la fechura de semeyes y vídeos. La estaya de Marketing de la Oficina de Comunicación embreda la planificación de campañes institucionales que dan puxu la presencia de la Universidá d'Uviéu dientro y fuera de les nueses llendes.